29.05.2021 | 17:24

Баһылык бааһынай-фермерскэй хаһаайыстыбаларга сырытта

Ааптар: Айыына ДОНСКАЯ
Бөлөххө киир

Бэҕэһээ күн иккис аҥаарыгар Дьокуускай куорат баһылыга Евгений Григорьев оробуочай бөлөҕү кытта куорат сиригэр-уотугар баар бааһынай-фермерскэй хаһаайыстыбалары кэрийдэ, көһө сылдьар мунньаҕы ыытта. Оробуочай бөлөххө Тыа хаһаайыстыбатын управлениетын, Сир сыһыаннаһыыларыгар агентство, Предпринимательство, ырыынак уонна туризм сайдыытын департаменын үлэһиттэрэ сырыттылар. 

Былаан быһыытынан мунньах «Дьокуускайдааҕы үүт собуота» ХЭТ саҕаланна. Бу тэрилтэ уратыта диэн соҕотуопкалааччылартан үүтү хомуйан оҥорон таһаарар соҕотох тэрилтэнэн буолар. Манна биһиги үүттэн хайдах быһыылаахтык араас бородууксуйаны оҥорон таһааралларын илэ харахпытынан көрдүбүт, чинчийэр лабораторияҕа сырыттыбыт.
Дириэктэр Илья Самсонов собуоту батыһыннара сылдьан көрдөрдө. Баһылыкка туһаайан үлэҕэ сыһыаннаах баҕа санааларын эттэ. Ол курдук «Үс Хатыҥ» киин өттүгэр учаастак биэрдэхтэринэ, оҕолорго босхо аттракцион уонна собуот бородууксуйатын амсатыыны тэрийэр баҕалаах. Ону сэргэ бэйэтин тэрилтэтин баазатыгар куорат араас тэрээһиннэрин – конференциялары, мунньахтары, маастар-кылаастары ыытарга уонна Тыа хаһаайыстыбатын управлениетын испииһэгинэн тэрилтэ бэтэрээннэрин кытта шефскэй үлэҕэ бэлэмин эттэ. 

Салгыы Евгений Григорьев оробуочай бөлөҕө Челюскин уулуссатыгар баар төгүрүк сыл оҕурсу үүннэрэр бааһынай-фермерскэй хаһаайыстыбаҕа сырытта. Салайааччы Ашот Карапетян 2020 сыл олунньу ыйыттан бэйэлэрин үптэринэн гидропоника ньыманан оҕурсу үүннэрбиттэрин кэпсээтэ. 2020 сыллаахха 3 сыл болдьоххо 3 мөлүйүөн солкуобайдаах кирэдьиит ылбыттар. Голландскай «Фитер» диэн уу кутар тэрилинэн тутталлар эбит. Нэдиэлэҕэ 2,5 туонна оҕурсууну хомуйан куорат маҕаһыыннарыгар туттараллар. Тэпилииссэ 700 кв.миэтэрэ сиргэ турар. Кэҥэттэр баҕалаахтарын этэн туран, Ашот Карапетян Евгений Николаевичтан куорат өттүттэн сабыылаах груҥҥа оҕуруот аһын үүннэрэр үлэһиттэри өйүүр бырагыраамаҕа киллэрэллэригэр уонна сирдэрин кэҥэттэр докумуоннарыгар көмөлөһөллөрүгэр көрдөстө.

Ити кэннэ оробуочай бөлөх Аччыгый Марха бөһүөлэгэр Наталья Семеновна Захарова кэтэх хаһаайыстыбатыгар сырытта. Захаровтар дьиэ кэргэн ынах сүөһүнэн дьарыктанар хаһаайыстыба быһыытынан 2000 сылтан үлэлиир. Билигин 13 төбө сүөһүттэн алтата ыанар ынах. Сылга биир ынахтан 3 туонна үүтү ылаллар эбит.  Биир төбөҕө бэриллэр 35 тыһыынча солкуобай субсидияҕа тиксэннэр, Захаровтар үөрүүлэрэ улахан. Баһылыктан көрдөһүүлэрэ диэн оттуур сир ылалларыгар көмө эбит. 

Мунньах түмүктүүр түһүмэҕэ Марха сэлиэнньэтигэр баар сибиинньэ иитиитинэн дьарыктанар «Сибирь»  бааһынай-фермерскэй хаһаайыстыбаҕа буолла. Салайааччы Денис Савостин племенной үлэ сайдыытыгар уонна санитарнай өттүнэн харысхаллаах буолууга кэккэ кыһалҕаларын үллэһиннэ, учаастак докумуонун оҥорорго көмөлөһөргө көрдөстө.  
«Биһиги бүгүн тыа хаһаайыстыбатын бородууксуйатын оҥорон таһаарааччыларын кытта көрүстүбүт, наһаа кэрэхсэбиллээх бырайыактары көрдүбүт. Кинилэр бары куорат норуотун хаһаайыстыбатын тутаах үлэһиттэринэн буолаллар. Олохтоох бородууксуйанан хааччыйалларын сэргэ, үлэ миэстэтэ биэрэн дьону хамнастыыллар. Олохтоох оҥорон таһаарар хаһаайыстыбалар хааччыйар ырыынакка бигэ туруктаналларын курдук судаарыстыба уонна биһиги өттүбүтүттэн өйөбүл баар буолуохтаах», – диэн эттэ куорат баһылыга Евгений Григорьев.

Сонуннар

17.07.2025 | 08:57
Сурук киирдэ

Ордук ааҕаллар

Батыһыннара ыйар аналлаах Өлөөн буойуна — БатЫйа
Дьон | 10.07.2025 | 18:00
Батыһыннара ыйар аналлаах Өлөөн буойуна — БатЫйа
Батыйа позывнойдаах байыас билигин Украина Луганскай сиригэр Ийэ дойдубутун көмүскүү сылдьар. «Батыйа – батыһыннара ыйар, (указать направление)» диэн кини позывнойун суолтатын быһааран биэрбиттэрин, кырдьык да дии санаатым.  Кинини кытта дьиктитик кэпсэттибит. Тоҕо диэтэххэ кини олус уйан дууһалаах, кэрэни кэрэхсиир, айар үлэтин онно да сылдьан бырахпат – уруһуйдуур, уһанар, арааһы астыыр,...
Хас биирдии оҕуруотчут бэйэтэ үүннэрэр ньымалаах
Дьон | 18.07.2025 | 16:00
Хас биирдии оҕуруотчут бэйэтэ үүннэрэр ньымалаах
Сайыммыт урукку сыллардааҕар ураты сөрүүн, ардахтаах буолла. Ол эрээри сорох сатабыллаах хаһаайкалар оҕуруот аһын сиэн ырааттылар. Бүгүн оҕуруотчут, Дьокуускай Мархатыгар Дьахтар сэбиэтин бэрэссэдээтэлэ Екатерина Чербоеваттан сүбэлэри ылабыт. – Үтүө күнүнэн, Екатерина Егоровна! Бөтүрүөп куйааһа ардаҕынан күндүлээн ааһа оҕуста. Сайыммыт сөрүүн буолла. Эйигин оҕуруотчут быһыытынан ааҕааччыларга билиһиннэрэбин, хас сылтан оҕуруот үүннэриитинэн...
Айталина Васильева: «Олох тэтимиттэн хаалсыбакка, сыалларбын ситиһиэхтээхпин»
Дьон | 17.07.2025 | 13:00
Айталина Васильева: «Олох тэтимиттэн хаалсыбакка, сыалларбын ситиһиэхтээхпин»
Бүгүҥҥү ыалдьытым Хаҥалас улууһун «1-кы Мальдаҕар нэһилиэгэ» МТ баһылыга Айталина Ивановна Васильева, дойдутун, нэһилиэгин туһугар сүрэхтиин-быардыын ыалдьар, эдэр киһиэхэ лоп-бааччы тыллаах-өстөөх, тобуллаҕас толкуйдаах киһи эрэ киэн туттуох ыччата. Кини туһунан биир дойдулаахтара сөҕөллөрүн, хайҕыылларын, махтаналларын этэллэр. «Айталина Ивановна улахан куоракка да үлэлиир кыахтаах киэҥ, ыраах, дириҥ көрүүлээх, эппитин сыыска-буорга түһэрбэт,...
Кэлэр нэдиэлэҕэ «Работай в Якутии» ыччат бэстибээлэ күүтэр
Сонуннар | 08.07.2025 | 14:14
Кэлэр нэдиэлэҕэ «Работай в Якутии» ыччат бэстибээлэ күүтэр
От ыйын 16 күнүгэр Дьокуускайга СӨ Нэһилиэнньэ дьарыктаах буолуутугар судаарыстыбаннай кэмитиэтэ орто анал уонна үрдүк үөрэх кыһаларын бүтэрбит ыччаты «Работай в Якутии» бэстибээлгэ ыҥырар. Тэрээһин Үлэ кыбаарталыгар ыытыллыаҕа. Бэстибээл сыала — эдэр исписэлиистэри үлэ миэстэтинэн хааччыйыы, үлэ ырыынагар бэйэ миэстэтин булунарга көмөлөһүү. Бэстибээл алта араас хайысханан ыытыллыаҕа: #ПРО_ГЛАВНОЕ, #ПРО_РОДИНУ, #ПРО_РАБОТУ,...