Баҕа санаабыт туолла

Биһиги дьиэ кэргэн 2015 сыллаахха Дьокуускай куорат килбэйэр киинигэр, Короленко уулуссатыгар кыбартыыра ылыммыппыт. Биир сылынан киирэр диэн  долгуйа күүппүппүт...

Ол дьоллоох күммүтүн оруобуна төгүрүк түөрт сыл кэтэстибит (саамай кыһалҕалаах дьиэ диэн аатыра сырытта). Ити киириэ, бу киириэ диэн куруук эрэннэрэн иһэллэрэ. Бастаан утаа итэҕэйэр этибит уонна хайыахпытый, кэлин тиһэҕэр ээ, хантан дии саныыр буолбуппут.

Быйыл атырдьах ыйыгар хамсааһын саҕаламмыта, эрэл кыыма саҕыллыбыта. Соторутааҕыта өр күүппүт баҕа санаабыт туолла! Дьиэбитигэр киирэр үөрүүлээх күммүт үүннэ!

Куорат баһылыга Сардана Владимировна Авксентьева бу дьиэ киирэригэр улахан күүс-көмө, өйөбүл буолла. Киниэхэ биһиги дьиэ кэргэн аатыттан хаһыат нөҥүө барҕа махталбытын тиэрдэбит. Инникитин  саха норуотун туһугар бу курдук куруук бэриниилээхтик, эрэллээхтик, үлэлии-хамсыы сылдьаргар баҕарабыт.

Сардана Захарова, Дьокуускай