06.10.2022 | 09:30

Баҕа санаа олоххо киириитэ

Баҕа санаа олоххо киириитэ
Ааптар: Баһылай ПОСЕЛЬСКАЙ
Бөлөххө киир

Үрдүк таһымнаах исписэлиис буоларга баҕа санааттан уонна дьоҕуртан ураты бары өрүттээх өйөбүл наада. Людмила Николаева салайааччылаах СӨ художественнай гимнастикаҕа федерацията спорт министиэристибэтин өйөбүлүнэн тус сыаллаах үөрэх бырагырааматын көхтөөхтүк сайыннарар. Үлэ эдэр гимнастары өйүүргэ уонна Саха сирин тренердэрин састаабын бөҕөргөтөргө туһуланар. 

Виктория Андрющенко П.Ф. Лесгафт аатынан университеты бүтэрбит тус сыаллаах үөрэх бырагырааматын кыттааччыта. Кини спорка остуоруйата кыра сааһыгар, художественнай гимнастика секциятыгар ылыы туһунан биллэриини алҕас көрбүтүттэн, саҕаламмыта. Бастакы дьарыкка кинини эбэтэ илдьибитэ, онтон ыла кини инники дьылҕата чопчу түстэммитэ. Виктория инники идэтин талар быһаарыылаах кэмэ кэлбитигэр художественнай гимнастикаттан ураты атын эйгэҕэ барбатын өйдөөбүтэ.

Дойду бастыҥ кыһатыгар

Виктория П.Ф. Лесгафт аатынан университекка үөрэнэ киирбитэ. Онно «Гимнастика теориятын уонна методикатын» кафедратын профессорынан Арассыыйа  сүүмэрдэммит хамаандатын старшай тренерэ Ирина Винер-Усманова буолар. Чуолаан бу кафедраҕа Саха сирин кыргыттара тренер уонна преподаватель идэтин баһылыыллар. Санкт-Петербургтааҕы университет дойдуга биир саамай кырдьаҕас үөрэх кыһата буоларын таһынан, үрдүк үөрэх тэрилтэлэрин ортолоругар физкультура уонна спорт эйгэтигэр саамай элбэх идэлээҕинэн биллэр. Манна уопсайа 500-тэн тахса устудьуон гимнастика араас көрүҥэр күнүскү үөрэххэ уонна кэтэхтэн салааҕа уһуйуллар.

Виктория Андрющенко физкультура учууталын идэтин эрэ буолбакка, чопчу хайысханы баһылыырга дьулуһан бу үөрэх кыһатын талбыта. Бастаан утаа төлөбүрдээх үөрэххэ туттарсан киирбит эбит буоллаҕына, аныгыс сылыгар өрөспүүбүлүкэ художественнай гимнастикаҕа федерацията тус сыаллаах үөрэххэ көһөргө этии көтөхпүтэ. Онуоха Виктория, өр толкуйдуу барбакка, үөрүүнү кытта сөбүлэспитэ. Үөрэҕин бүтэрээт, Дьокуускайга төннөн кэлэн, тренердээн саҕалаабыта. Бу иннинэ 3 сыл устата оҕолору эрчийбит буолан, үлэтигэр ыарахаттары көрсүбэтэҕэ.

«Мин оҕолорго бырагыраама оҥорооччубун, уобуруч, мээчик, булава уонна лиэнтэлээх эрчиллээччибит, араас дьарыктары оҥорооччубут. Өссө күрэхтэһиигэ судьуйа быһыытынан кытта сылдьыбытым», – диэн Виктория кэпсиир.

Кыргыттарга саҥа бырагыраамалар

Билигин Виктория Андрющенко художественнай гимнастикаҕа Саха сирин сүүмэрдэммит хамаандатын тренердэрин састаабыгар түбүгүрэр. Кинини кытта эдэр спортсменнар саҥа бырагырааамалары үөрэтэллэр, эрчийиилэри баһылыыллар. Күрэхтэһии сезона саҕаланыан инниттэн 6 киһилээх сүүмэрдэммит хамаанда туруга үчүгэй, кыргыттар спортивнай формаларыгар киирэллэр. Виктория этэринэн, хас биирдии спортсмен үчүгэйдик дьарыктанарыгар, бигэ туруктаах буоларыгар сөптөөх сыһыан уонна көҕүлээһин улахан суолталаах. «Холобура, кимиэхэ эрэ санаатын көтөҕөн сүбэ тыл этиэххэ наада, онтон кимиэхэ эрэ, төттөрүтүн, кытаанах сыһыан ирдэнэр. Иитиллээччилэрбэр ааттаах-суоллаах спортсменнары холобурдуубун, тоҕо диэтэххэ кинилэр биһиги курдук кыраттан саҕалаабыттара», – диэн Андрющенко бэлиэтиир.

Виктория Андрющенко тус сыаллаах үөрэххэ уһуйуллубут соҕотох өрөспүүбүлүкэ олохтооҕо буолбатах. Холобур, күн бүгүн П.Ф. Лесгафт аатынан физическэй култуура, спорт уонна доруобуйа университетыгар Саха сириттэн Мария Шпагина үөрэнэр. Быйыл Нерюнгриттан сылдьар художественнай гимнастика спортсменнара Анастасия Харахардина уонна Марина Чичкина эмиэ Санкт-Петербургтааҕы национальнай судаарыстыбыннай университекка үөрэнэ киирбиттэрэ. Кыргыттар өрөспүүбүлүкэттэн тус сыаллаах үөрэх бырагырааматынан уһуйуллаллар. Художественнай гимнастика федерациятын бэрэсидьиэнэ Людмила Николаева бэлиэтииринэн, кинилэр сыаллара-соруктара биир – төрөөбүт өрөспүүбүлүкэлэригэр кэлэн, тренеринэн үлэлиэхтэрин баҕараллар.

 

Саха Өрөспүүбүлүкэтин художественнай гимнастикаҕа федерациятын пресс-сулууспата

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...