Бүтүн Арассыыйатааҕы сырдатар аахсыйа ыытылынна
![Бүтүн Арассыыйатааҕы сырдатар аахсыйа ыытылынна](https://kiinkuorat.ru/wp-content/uploads/2023/10/b8fkpNB5yn.jpg)
Киин куоракка «ДТК – ааҕыы киинэ» оҕо библиотекатыгар «Поделись своим знанием» Бүтүн Арассыыйатааҕы сырдатар аахсыйа ыытылынна диэн киин пресс-сулууспата иһитиннэрдэ.
Тэрээһин спикера – ХИФУ пединститутун «Информатика уонна вычислительнай тиэхиньикэ» кафедратын доцена, педагогическай наука кандидата Максим Сорочинскай. Кини оҕолорго «Мэйиибит туһунан тугу билиэхпитин сөбүй» диэн научнай-сырдатар лекцияны ыытта.
Лекцияҕа оҕолор мэйии тутулун уонна кыаҕын туһунан биллилэр. Итиэннэ хас биирдии үөрэнээччи киһи мэйиитин үлэтин көрдөрөр нейро-оонньуулаах гаджетынан туттан көрдө. Оҕолор элбэҕи билэн, наһаа үөрэн, астынан тарҕастылар.
2023 сылга Максим Сорочинскай «Билии» уопсастыба ыытар «Лектордар лигалара» куонкурус үһүс түһүмэҕин түмүгүнэн дойду бастыҥ лекторынан билиниллибитэ.
Аахсыйа тэрийээччитэ – «Билии» Арассыыйатааҕы уопсастыба, өйөөччүлэр – Үөрэҕирии, наука уонна үрдүк үөрэх, итиэннэ култуура министиэристибэлэрэ.
Тэрээһин дойду талааннаах дьонун түмэр. Кинилэр наукаҕа, экологияҕа, технологияларга билиилэрин атын дьону кытта үллэстэргэ бэлэмнэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)