08.10.2021 | 12:55

Бүтүн Арассыыйатааҕы нэһилиэнньэ биэрэпиһэ бастакы төгүлүн цифровой көрүҥүнэн ыытыллар

Бүтүн Арассыыйатааҕы нэһилиэнньэ биэрэпиһэ бастакы төгүлүн цифровой көрүҥүнэн ыытыллар
Ааптар: Киин Куорат

Бүтүн Арассыыйатааҕы нэһилиэнньэ биэрэпиһэ быйыл аан бастакытын цифровой көрүҥүнэн ыытыллыаҕа. Пандемиянан сибээстээн 2020 сылга ыытыллыахтаах биэрэпис 2021 сыл алтынньы ыйыгар көһөрүллүбүтэ. 
Бу биэрэпискэ Арассыыйа олохтоохторо биэрэпиһи бэйэлэрэ Судаарыстыбаннай өҥө порталын нөҥүө, ол иһигэр МФЦ салааларыгар ааһыахтарын сөп. Интэриниэт-биэрэпис – Арассыыйҕа биэрэпис саҥа көрүҥэ, итиннэ респондент уонна электроннай биэрэпис лииһин икки ардыгар тиксиһиннэрээччи суох. Интэриниэт-биэрэпис хас биирдии кыттааччыта биэрэпиһи ааспыт бэлиэтин цифровой уонна QR-коду ылар. Электроннай биэрэпис лиистэрин тиксэрэн баран өҥө хаачыстыбатын туһунан анкетаны толоруохтарын сөп. 
Интэриниэт-биэрэпиһи кытта тэҥҥэ биэрэписчиктэр нэһилиэнньэ ыйытыгын ыытыахтара. Биэрэписчиктэр бары электроннай биэрэпис лиистээх планшет компьютердаах буолуохтара, ыйытыктар онлайн ыйытыктары кытта биирдэр. 
Биэрэпиһинэн нэһилиэнньэ барыта хабыллыбытын бэрэбиэркэлиир курдук, бэйэлэрэ онлайн көрүҥүнэн ааспыт кыттааччылартан QR-кодтарын көрүөхтэрин сөп. 
Интэриниэт-биэрэпиһи киллэрии баһыйар өрүтэ: сылдьарга эрэйдээх нэһилиэнньэ бөлөҕүн толору хабааһын уонна биэрэпис дааннайдарын хаачыстыбатын үрдэтии. Нэһилиэнньэни учуоттааһын атын көрүҥнэрин хаалларыы Арассыыйа бары олохтоохторугар табыгастаах буоларын курдук оҥоһуллубут. 
Биэрэпис дааннайдара – киһи ахсаанын, национальнай састаабы уонна тыллары баһылааһыны, үөрэх таһымын уонна кэргэннээҕин-суоҕун, дьиэтээҕи хаһаайыстыба састаабын уонна дойду нэһилиэнньэтэ хантан хамнастанан олорорун туһунан соҕотох толору уонна кырдьыктаах информация төрүтэ. 
Биэрэпис дааннайдара Арассыыйа регионнарыгар, куораттарга уонна сэлиэнньэлэргэ, социальнай-экономическэй хаамыыны көрөргө,  дойду сайдыытын сөпкө былаанныырга уонна нэһилиэнньэни өйүүр бырагыраамалары олоххо киллэрэргэ көмөлөһүөхтэрэ.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Уһун өрөбүллэргэ 123 итирик суоппар тутулунна
Сонуннар | 10.01.2022 | 14:00
Уһун өрөбүллэргэ 123 итирик суоппар тутулунна
ГИБДД сотрудниктарын эриэйдэлэрин түмүгүнэн, тохсунньу 1-9 күннэригэр 123 итирик суоппар тутулунна, итинтэн 15-һэ урут эмиэ уруулга итирик олорон түбэспит дьон. Бу туһунан регионнааҕы ГИБДД Управлениетын пресс-сулууспата иһитиннэрдэ.  РФ ХК олоҕуран, тырааныспары итирик туруктах ыытыы иһин 30 тыһыынча солкуобай ыстараап уонна сыл аҥаара-икки сыл быраабы быһыы көрүллэр. Медицинскэй көрүүттэн ааккастаннахха эмиэ...