23.04.2020 | 18:33

Бүлүү Тааһаҕарыгар таас оскуола үлэҕэ киирдэ

Бүлүү Тааһаҕарыгар таас оскуола үлэҕэ киирдэ
Ааптар: Киин Куорат
Бөлөххө киир

      2016  сыл кулун тутар 1 күнүгэр  100 миэстэлээх оскуола оҥкулун сүрүн тирэҕэ түспүтэ, үйэлээх тутуу саҕаламмыта, сиэр-туом толоруллубута. Бу сылга өр сылларга ыра санаа буолбут  кэтэһиилээх саҥа  оскуола тутуута түмүктэннэ, үлэҕэ киирдэ, аанын тэлэччи аста.   

Саҥа таас оскуолаҕа оҕо-аймах  үөрэҕи өссө өрө тутуо, онно ирдэбил үрдүө, аныгылыы  усулуобуйа тэриллиэ,   ыччат ыыра кэҥиэ,  нэһилиэк сайдыыта тэтимирэ,  кэскиллээх саҕахтар арылла туруохтара. Н.Н. Каратаев аатынан Тааһаҕар оскуолата 100 сыл устата элбэх көлүөнэ ыччаты үөрэх-билии аартыгар үктэннэрэн, чулуу дьону иитэн таһаарбыт үөрэх кыһатынан биллэр. Олор истэригэр бааллар:  учуобунньуктар ааптардара, Аҕа дойду Улуу сэриитин кыттыылааҕа, Саха АССР оскуолаларын үтүөлээх учуутала, педагогическай наука  кандидата, С. Новгородов аатынан бириэмийэ лауреата И.И. Каратаев, СӨ Үрдүкү суутун бэрэссэдээтэлэ, РФ,  СӨ үтүөлээх юриһа Н.Н. Каратаев, С. Аржаков соратнига, Орто Бүлүүгэ сэбиэскэй былааһы олохтоспут бастакы бассабыык П.П. Харлампьев уо.д.а.

   Мин  бу оскуолаҕа, 1975 сыллаахха   үрдүк үөрэҕи бүтэрбит 20 саастаах эдэр специалист  нуучча тылын учууталынан ананан педагогическай үлэбин саҕалаабытым. Миигин, саҥа үлэһити, сирэ-уота илгэлээх,  дьоно-сэргэтэ иллээх, истиҥ эйгэлээх  Тааһаҕарга тиксиһиннэрбитигэр дьылҕабар махтанабын. Дэриэбинэни, олохтоохтору, оскуола кэлэктиибин аан бастакыттан сөбүлээбитим. Оскуолам иллээх  кэлэктиибин кытары    айымньылаах үлэ умсулҕаныгар ылларан, үлэ үлүскэнигэр үлүһүйэн,бастакы алҕастары туораан, ситиһии эҥээрдэнэн, учуутал тускуллаах үөрүйэхтэрин иҥэриммитим, идэм уустугун, эппиэтинэстээҕин эппинэн-хааммынан билбитим,  Умнуллубат бастакы аһаҕас уруогум ырытыытын дириэктэрим А.Ф. Афанасьев хайҕал тылларынан саҕалаабыта, ону биир идэлээхтэрим ситэрэн-хоторон биэрбиттэрэ, идэбин сөпкө талбыппын диэн бөҕө санаалаабыта. Ол туругум  оҕону, ыччаты  үөрэтиигэ-иитиигэ күн бүгүнүгэр диэри  45 сыл тухары педагогическай  ситиһиилэрим  тирэхтэрэ буолаллар.  Тааһаҕардарбын кытары күн бүгүҥҥэ дылы ыкса алтыһабыт,  биир идэлээхтэрбин ханнык да түгэҥҥэ умнубаппын, көрүстэрбит эрэ кэпсэтиибит оскуолабыт тула буолар.

Светлана Мытник, Бүлүү куората

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.