Бөх тоҕор контейнардарга сыһыаннаан суут бүтэһиктээх быһаарыыны ылынна

Муус устар 3 күнүгэр Төрдүс арбитражнай апелляционнай суут СӨ Арбитражнай суутун 2024 сыл тохсунньу 29 күнүгэр «ЯКУТСКЭКОСЕТИ» ХЭТ үҥсүүтүнэн «ЖКХ Губинский» Салайар хампаанньаҕа туһаайан ылыммыт быһаарыытын уларытыыта суох хаалларда.
Үҥсүү «ЖКХ Губинский» Салайар хампаанньа бөх тоҕор контейнердары нэһилиэнньэ уонна бөх тиэйэр оператор үлэһиттэрин олоҕор уонна доруобуйатыгар кутталы суоһуур гына туруорбутугар, контейнердар түргэнник туолалларыгар сыһыаннаах этэ. Үҥсүү өссө биир төрүөтүнэн Салайар хампаанньа Дьокуускай куорат прокуратуратын дьаһалын толорботоҕо буолбута.
«ЖКХ Губинский» бэйэтин өттүттэн контейнердары атыылаһыыны уонна уларытыыны региональнай оператор бэйэтэ уйунуохтааҕын, ону ааһан контейнердар уонна ону туруорар балаһаакка МКД учаастагар киирбэттэрин туруорсубута.
Суут региональнай оператор үҥсүүтүн өйөөн, Салайар хампаанньаны Дьокуускай куоракка маннык аадырыстарга сөптөөх контейнердары туруорарга эбээһинэстээтэ: Лермонтов уул., 35/1, Петр Алексеев уул.,  21, 21/1; Кулаковскай уул., 4/2, 4/3; Ленин пр., 23, 44; Чернышевскай уул., 22/2, 118; 202-с мкр 7-с, 9-с, 16.-с, 18-с, 19-с, 25-с куорпустарын таһыгар. 
Инньэ гынан, суут быһаарыытынан, Салайар хампаанньа контейнердары саҥардарын таһынан, суут ороскуотун уйунарга уураахтанна, диэн иһитиннэрэр "Якутскэкосети"