Бөх полигонун тутуу былаан быһыытынан барар

Барыта 377,5 тыһыынча кубометр кумах ирдэнэр, итинтэн 112,4 тыһыынча кубометра тиэйиллибит. Итини кытта хайыр тааһы, пенополистирол билиитэлэрин таһаллар. Бэдэрээтчит пенополистирол билиитэлэрин бастакы дьапталҕатын ууран саҕалаата. Итиэннэ административнай-бытовой корпус уонна хаһаайыстыбаннай тутуулар сыбаайалара, итини сэргэ дизельнэй электростанция уонна икки резервуар туруорулуннулар.   

ОДьКХ уонна энергетика миниистирин бастакы солбуйааччыта  Виктор Романов бэдэрээтчиккэ инертнэй матырыйааллары таһар тэтимин ыһыктыбатыгар уонна тутуу матырыйаалларын тиэйиитин ураты хонтуруолга ыларыгар сорудахтаата.

Манна даҕатан эттэххэ, бөх полигонун тутуу «Экология» национальнай бырайыак чэрчитинэн ыытыллар. Эбийиэк  бастакы уочарат тутуута 2023 сылга үлэҕэ киирэрэ былааннанар.