26.06.2023 | 21:19

«Айар Кэрэ» талааннаах дизайнердары быһаарда 

«Айар Кэрэ» талааннаах дизайнердары быһаарда 
Ааптар: Киин Куорат
Бөлөххө киир

Бэс ыйын 24 күнүгэр Туймаада ыһыаҕар Култуура көҕүлээһиннэрин пуондатын, СӨ Култуураҕа уонна духуобунай сайдыыга, Урбааҥҥа уонна эргиэҥҥэ, туризҥа, Тас сибээскэ уонна норуоттар дьыалаларыгар министиэристибэлэрин өйөбүллэринэн, Августина Филиппова айар пуондатын, Горнай улууһун дьаһалтатын көмөлөрүнэн уонна Дьокуускай куораттааҕы Юрий Гагарин аатынан Култуура киинин бырайыагынан биллиилээх модельер, худуоһунньук-дизайнер Августина Филиппова үбүлүөйүнэн ыытыллыбыт 450 тыһыынча солкуобай бириис пуондалаах «Айар Кэрэ» дизайнердар күрэхтэрэ дьон-сэргэ биһирэбилин ылыан ылла.
Сэрэйиллэрин курдук, күрэх Августина Николаевна кэллиэксийэтин көрдөрүүттэн саҕаланна. Маны сэргэ күрэҕи А.Н. Филиппова тикпит таҥастарын кэтэн, кыттан, киэргэттилэр: Е.В. Потапов аатынан «Кылыhах» төрүт инструменнар норуодунай ансаамбыллара (Горнай), «Далбар» ырыа ансаамбыла (Дьокуускай), «Сир симэхтэрэ» оҕо ансаамбыла (Горнай), «Кыталык» үҥкүү бөлөҕө (Дьокуускай) уонна Юлиан Семенов (Дьокуускай). Оттон «Камелек» хампаанньа «Алтан-Арт» диэн саҥа ювелирнай брендин уонна дизайнердар Арылы Сандаар, Андрей Зыков этно кэллиэксийэлэрин көрдөрдүлэр.
Тыҥааһыннаах күрэх түмүгүнэн А.Н. Филиппова бэрэссэдээтэллээх, РФ уонна СӨ искусстволарын үтүөлээх деятелэ, профессор З.И. Иванова-Унарова, норуот маастара З.Д. Понохова, «Киэргэ» ювелирнай тэрилтэ дириэктэрэ Г.П. Павлова, Ил Түмэн дьокутаата М.Н. Христофорова састааптаах дьүүллүүр сүбэ быһаарыытынан Гран-при үрдүк аатын Дьокуускайтан Анна Атасыкова, Наталья Андреева, Дария Ноговицына, Ольга Яковлева «Мааныга кэтиллэр таҥас» номинацияҕа «Ситим» кэллиэксийэлэрэ ылла уонна 100 000 солк. кээмэйдээх кылаан бирииһинэн наҕараадаланнылар. 
Маны сэргэ «Күннээҕигэ кэтиллэр таҥас» номинацияҕа 1 истиэпэннээх лауреатынан Намтан «Күрүлгэн» кэллиэксийэ ааптара Карина Барашкова ааттанна, «Дьиэ кэргэнинэн таҥас» номинация 1 истиэпэннээх лауреатынан Дьокуускайтан «Удьуор утума» кэллиэксийэ ааптара Надежда Софронова буолла, «Бырааһынньыкка кэтиллэр таҥас» номинация 1 истиэпэннээх лауреатын аатын Дьокуускайтан «Хотугу номохтор» кэллиэксийэ ааптара Алина Новгородова ылла.
Кыайыылаахтарга сүрүн бириистэри Дьокуускай куорат Олохтоох дьаһалтата, «DNS» маҕаһыын, «Золотник» ювелирнай салон туруордулар.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...