08.02.2024 | 20:22

Автодорожнай уокуругу баараҕай уларыйыы күүтэр

Автодорожнай уокуругу баараҕай уларыйыы күүтэр
Ааптар: Киин Куорат
Бөлөххө киир

Куорат баһылыга Евгений Григорьев Автодорожнай уокурук олохтоохторун иннигэр отчуотугар 2023 сылга ыытыллыбыт, 2024 сылга былааннанар уулусса, суол өрөмүөнүн, социальнай эбийиэктэри тутуу туһунан сиһилии кэпсээтэ, нэһилиэнньэ ыйытыыларыгар хоруйдаата. 
Ааспыт 2023 сылга уокурук Залог оройуонугар Ленин проспегын, «Тускул» түөлбэ уулуссатын хапытаалынай, оҕо санаторийыгар киирэр суол өрөмүөннэрэ түмүктэммит. «Лена» киинэ тыйаатырын, уонна Автодорожнай факультет тастарыгар сылаас тохтобуллар туруоруллубуттар, Сайсары күөл кытылын тупсарыы үлэтэ салҕаммыт.
Баһылык маны сэргэ ДСК оройуонугар 990 миэстэлээх оскуоланы тутуу саҕаламмытын, 19 №-дээх оскуолаҕа хапытаалынай өрөмүөн ыытыллыбытын, «Прометейга» 990 миэстэлээх өрөспүүбүлүкэҕэ бастакы бөдөҥ оскуола номнуо үлэлии турарын кэпсээтэ.
Хаарбах дьиэттэн көһөрүү өрөспүүбүлүкэтээҕи бырагырааматынан Тимирязев уул., 78 уонна Ярославскай уул., 45/2 аадырыстарыгар эргэ дьиэлэр көтүрүллэн, 2024 сылга 20 киһини саҥа дьиэнэн хааччыйар сорук турар. Муниципальнай бырагырааманан Воинская, 9А аадырыстан биэс киһи саҥа дьиэҕэ киирэн турар.
Евгений Григорьев мустубут дьоҥҥо 2024 сыллааҕы былааны кэпсээтэ. Ол курдук, «Звезднай» түөлбэҕэ уулусса-суол ситимин тутуу, Михаил Николаев пр. – Чернышевскай - Красильников уулуссалар быһа охсуһуулара саҥаттан оҥоһулларын, Дежнев уулуссатын Крупскаяттан Ойуунускай уулуссатыгар диэри кэрчигин, Иван Крафт уулуссатын Иван Кульбертинов уулуссатыттан Эргэ Покровскайдыыр тракка диэри кэрчигин, «Тускул» түөлбэ Сайдыы уулуссата, Сэргэлээх шоссетыгар «Берегиня» оҕо дьиэтигэр киирэр суол, Лиза Чайкина уулуссатын Чернышевскайтан Крупская уулуссаҕа диэри кэрчигин, Птицефабрика элбэх оҕолоохтор кыбаарталларын Хомустахская уулуссатын хапытаалынай өрөмүөннэрэ, Автомобилистар уулуссаларын Михаил Николаев проспегыттан Сэргэлээх күөлүгэр диэри кэрчигэ өрөмүөннэнэрэ  күүтүллэрин билиһиннэрдэ.
Уокурук «Звезднай» түөлбэтигэр симиэнэҕэ 600 киһини көрөр поликлиника, 990 миэстэлээх оскуола, 315 миэстэлээх оҕо саада дьэндэйиэхтэрэ. Сайсары эбэ кытылыгар баараҕай тупсарыы үлэтэ ыытыллыаҕа, «Звезднайга» сабыылаах каток тэлгэниэҕэ. 
Отчуот кэнниттэн олохтоохтор «Альтаир» СОТ хааччыллыыны киллэрэри, Речевой оскуола таһыгар сылаас тохтобулу туруорары, «Прометейга» оҕо саада наадатын, 2 уонна 1 №№-дээх оптуобустар маршруттарын «Птицевод» уулуссатыгар диэри уһатары туруорустулар, Кульбертинов уулуссатыгар эбии оптуобус тохтобулун, саҥа тутуллуохтаах киинэ павильонун кэннигэр паарка оҥорор наадатын ыйдылар. Маны сэргэ инбэлиит оҕолорго оптуобуска босхо айан, Красильников уулуссатыттан 39 №-дээх оскуолаҕа барар суол куттала суох буолуутун хааччыйыы, Байкалов уул., 25/2 турар хаарбах дьиэни көһөрөр уолдьаспытын, «Сэргэлэх» гостиница таһыгар тротуар наадатын, чааһынай сектортан бөҕү тиэйии курдук кыһалҕалаах боппуруостары ыйыталыстылар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!