29.04.2023 | 11:31

Арыгыны утары хамыыһыйа буолан ааста

Арыгыны утары хамыыһыйа буолан ааста
Ааптар: Киин Куорат
Бөлөххө киир

Муус устар 26 күнүгэр Куорат баһылыгын иһинэн Арыгыны утары хамыыһыйа чөл олох тула мунньахтаата. 
Мунньахха куорат баһылыгын солбуйааччы Владимир Аржаков, «Чөл олох» уопсастыбаннай пуонда бэрэстэбиитэллэрэ, полиция, СӨ Доруобуйа харыстабылын министиэристибэтин үлэһиттэрэ, учуонайдар итиэннэ Дьокуускай куорат Уопсастыбаннай палаататын бэрэссэдээтэлэ Матвей Лыткин, куорат кылаабынай архитектора Семен Сергеев кыттыыны ыллылар.
Хамыыһыйа бэрэссэдээтэлэ, Дьокуускай куорат баһылыга Евгений Григорьев бэйэтин киирии тылыгар киин куоракка арыгылаах бородууксуйаны эргинэр бириэмэни уонна усулуобуйаны хаарчахтыыр дьаһаллары ылыныы, биллэн турар, бобууну-хаайыыны сэргэ чөл олоҕу пропагадалааһыҥҥа, спордунан дьарыктаныыга болҕомтону күүһүрдэргэ аналларын эттэ.
ИДьМ Дьокуускай куораттааҕы управлениетын сокуоннай саастарын ситэ илик оҕолор дьыалаларыгар боломуочуйалааҕа Лена Иванова арыгы доруобуйаҕа дьайыытын уонна криминальнай хабааннаах содулун туһунан иһитиннэриини оҥордо. 
Доруобуйа харыстабылын министиэристибэтин Нэһилиэнньэҕэ медицинскэй көмөнү тэрийэр департаменын сүрүн исписэлииһэ Айталина Торонова арыгы содулугар эчэйиини ылыы уонна арыгыттан сылтаан олох кылгааһынын уонна төрөөһүн аҕыйаҕын туһунан иһитиннэрдэ.
Социология наукатын кандидата, РНА СС криолитозона биологическай  кыһалҕаларыгар институтун старшай научнай үлэһитэ Юрий Жегусов Дьокуускай хас биирдии олохтооҕугар ортотунан төһө арыгылаах утах тиксэрин санатта.
Мунньах түмүгүнэн элбэх этии, санаа киирдэ, ол иһигэр сылаас тохтобулларга полиция пуунун туруоруу боппуруоһа көтөҕүлүннэ. Доруобуйа харыстабылын министиэристибэтигэр наркотигынан туһанар дьон ахсаанын көрдөрөр статистиканы таһаарарга этии киирдэ. Куораты тутууга уонна тыраанспар инфраструктуратыгар департамент эмиэ кэккэ сорудахтары ылла. Итиэннэ кэлэр 2024 сыл бүддьүөтүгэр чөл олох тиэмэтигэр муралларга үп көрөргө этии киирдэ.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...