Арыгы атыытын бобуутун полиция үлэһиттэрэ хонтуруоллуохтара

Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар.
Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр. 
Бу хаарчах арыгынан эргинэр кафе, ресторан, бар курдук уопсастыбаннай аһылык тэрилтэлэригэр тарҕаммат. 
Дьаһал олоххо киириитин полиция үлэһиттэрэ хонтуруоллуохтара, сокуону кэспит урбаанньыттарга РФ КоАП иитинэн миэрэлэр ылыллыахтара, диэн иһитиннэрэр Олохтоох дьаһалта пресс-сулууспата.