Арассыыйа почтатын бары салаалара төлөбүрү ылаллар

Арассыыйа почтатын бары салаалара хомунаалынай төлөбүрдэри ылаллар. Доруобуйаларын туругунан хааччахтаах аҕам саастаах дьоҥҥо төлөбүрү дьиэҕэ кэлэн ылар өҥө баар. Бу туһунан «Почта России» АУо пресс-сулууспата иһитиннэрдэ. 
Арассыыйа почтатын бары салаалара хомунаалынай төлөбүрдэри ылалларын сэргэ доруобуйаларынан хааччахтаах аҕам саастаах дьоҥҥо дьиэлэригэр тиийэн төлөбүрү ылар сервис үлэлиир. 2021 сыл түмүгүнэн Арассыыйа почтата Саха сирин олохтоохторуттан 1 мөлүйүөн солкуобайтан тахса төлөбүрү хомуйбут. 
«Арассыыйа почтата хомунаалынай, муниципальнай уонна сибээс төлөбүрдэрин, ыстарааптары, нолуоктары уонна судаарыстыбаннай пошлиналары хомуйар. Саха сиринээҕи бары салааларга 200-тэн тахса өҥөнү оҥорооччулар, салайар хампаанньалар уонна да атыттар төлөбүрдэрин киллэриэххэ сөп. 2021 сылга өрөспүүбүлүкэ үрдүнэн 1 мөлүйүөн солкуобайтан тахса контрагеннарбыт төлөбүрдэрэ биһигинэн ааста», – диэтэ Саха сиринээҕи  УФПС дириэктэрин солбуйааччы Ариадна Лыглаева.
Арассыыйа почтатын сайтыгар уонна мобильнай сыһыарыытыгар бары салааларын үлэлэрин графигын кытта билсиэххэ уонна табыгастаах кэмҥэ суруйтарыахха сөп. Хомунаалынай өҥө төлөбүрүн почта салааларыгар уу харчынан (наличнай төлөбүр) ылаллар.
Аҕа саастаах көлүөнэ дьону уопсастыбаннай миэстэлэртэн харыстыыр сыаллаах, Саха сирин почтальоннара почтовай-кассовай терминал көмөтүнэн төлөбүрү дьиэҕэ сылдьан ылаллар, клиеннэргэ кассовай чек бэриллэр. Ити өҥөнөн саастаах дьон уонна ыраах нэһилиэнньэлээх пууннар олохтоохторо хамаҕатык туһаналлар.