23.10.2020 | 10:32

Аны сүөһүнү, сылгыны босхо ыытар бобулунна

Аны сүөһүнү, сылгыны босхо ыытар бобулунна
Ааптар: Киин Куорат
Бөлөххө киир

(Мэччирэҥ саҥа быраабылалара)

Дьокуускай куорат уокуруктааҕы дьаһалтата киин куорат сиригэр-уотугар тыа хаһаайыстыбатын кыылларын мэччирэҥҥэ ыытыы саҥа быраабылаларын олохтоото.

Бу быраабылалар куорат киинигэр бэйдиэ сылдьар сылгылары суох оҥорор соруктаахтар.

“Куорат киин уулуссаларыгар, элбэх кыбартыыралаах дьиэ тиэргэннэригэр үөрүнэн дьаарбайа сылдьар сылгылар олохтоохторго, ордук оҕолорго,  кутталы үөскэтэллэр, бөҕү-сыыһы мунньар туочукалары урусхаллыыллар, ыһаллар-тоҕоллор, айан суолугар таҕыстахтарына тырааныспар айаныгар мэһэйдэри үөскэтэллэр, саахаллары таһаараллар” диэн кэнники сводкаларга элбэхтик истэбит.

1 төбөттөн – 3000 солкуобай

!!! Саҥа быраабылаларга олоҕуран, тыа хаһаайыстыбатын кыылларын куорат сиригэр-уотугар мэччитэр бобуулаах буолла. Мантан ыла сылгыны, сүөһүнү мэччитии анаммыт сиргэ эрэ ыытыллыахтаах.

Тыа хаһаайыстыбатын управлениетын салайааччыта Николай Степанов:

– Күннэтэ ыытыллар үлэ түмүгэр сылгыһыттары кытта боппуруос быһаарылынна диэххэ сөп. Хаһаайыттар бас билэр сылгыларын туталлар, хаайаллар. Онон куорат олохтоохторо бөх мунньар сирдэри кэрийэ сылдьан аһыыр сылгылары көрөллөрө да аҕыйаабыт буолуохтаах.

Бэйдиэ сылдьар сылгылар хаһаайыттара административнай эппиэтинэскэ тардыллан 3000 солкуобай ыстарааптаналлар.

Бу иннинэ хаһаайыннара ким буолара биллибэт үөрү куорат таһыгар үүрэн кэбиһии уопута баара. Дьокуускай куоракка көрүүтэ-истиитэ суох сылдьар дьиэ кыылларын тутар анал балаһаакка тэриллэрэ былааннанарын туһунан эрдэ суруйан турабыт. Тулагы уонна Хатас агро оскуолаларын баазатыгар көрүүтэ-истиитэ суох сылдьар сылгыларга ыстараап стоянкалары тэрийиэххэ сөп диэн этиини бастаан баһылык Сардана Авксентьева киллэрбитэ. Билигин Тыа хаһаайыстыбатын управлениета уонна Үөрэх управлениета сылгылары тутар, үүрэн аҕалар, онтон иитэр боломуочуйалаах уорганы быһаарыыга бииргэ үлэлэһэн эрэллэр.

!!! Саҥа быраабылалар биир сүрүн ирдэбиллэрэ –  тыа хаһаайыстыбатын кыылын күрүөлэммит анал сиргэ мэччитии эрэ көҥүллэнэр; күрүөтэ суох сиргэ быаҕа баайан эбэтэр кэтиир бостууктаах эрэ мэччитиэхтээхпит

Дьиэ кыылын (ынаҕы, сылгыны, о.д.а.) уулуссаҕа, нэһилиэнньэлээх пууҥҥа, үүнээйини буортулуон, тырааныспар айаныгар мэһэйи үөскэтиэн сөптөөх сиригэр кэтэбилэ, көрүүтэ-истиитэ суох ыытан кэбиһэр кытаанахтык бобулунна.

Саҥа быраабылалары сиһилии якутск.рф сайтка ааҕыахха сөп.

Тыа хаһаайыстыбатын управлениетыгар иһитиннэрбиттэринэн, бу кэнники күннэргэ 4 сылгыны бас билээччи административнай эппиэтинэскэ тардыллыбыт.

Ыстараап кээмэйэ – 1 төбөттөн 3000 солк.

Тыа хаһаайыстыбатын управлениетын үлэһиттэрэ сылгылар тустарынан иһитиннэриилэри туттахтарына миэстэтигэр тахсан сылгылар хаһаайыттарын быһаарар үлэни ыыталлар.  

Бэйдиэ сылдьар ыттар уонна сылгылар тустарынан иһитиннэриилэри ЕДДС тутар: 44-42-29

Онон мантан антах сылгылары көрүү-истии иһин административнай эппиэтинэс күүһүрдэ. Билигин тыа хаһаайыстыбатын сирдэрин сылгы иитээччилэргэ мэччирэҥ сирин быһыытынан туһаҕа биэрии бэрээдэгин судургутутуу боппуруоһа көрүүгэ сылдьар. Быһаарыы ылыллар түгэнигэр, сылгы иитээччилэр тыа хаһаайыстыбатын бородууксуйатын оҥорон таһаарааччылары өйүүр өрөспүүбүлүкэтээҕи бырагыраама чэрчитинэн субсидия ылар кыахтаныахтара. Хаһаайыттар сылгыларын сөптөөх усулуобуйанан хааччыйбатахтарына, мэччирэҥ сир бэриллибэт буолуон сөп.

Дьоҥҥо суоһуур кутталы аахпатахха, бөхтөн аһааһын сыспай сиэллээхтэргэ бэйэлэригэр олус кутталлаах. Ол иһин эһиилгиттэн сылгыларга булгуччу чип кэтэрдии ирдэниэҕэ диэн Тыа хаһаайыстыбатын управлениетыгар былаанныыллар.

Дьокуускайга тыа хаһаайыстыбатынан дьарыктанааччыларга сөптөөх өйөбүл оҥоһуллар диэн дьаһалта пресс-сулууспата иһитиннэрэр.  Иһитиннэриигэ этиллэринэн, куорат сиригэр  3169  төбө сылгы иитиллэр. 2020 сылга 14 хаһаайыстыба сылгы иитиитин сайыннарыыга анаммыт субсидияны ылбыта.

Айылҕаҕа көҥүл көччүйэр аналлаах кыылы кыаһалаан баран мэччитэр, эбэтэр күрүөҕэ хаайан турар кыаллыа дии саныыгыт дуо?!

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...