Алтынньы ыйга Саха сиригэр 950 кырачаан күн сирин көрдө

Быйыл уон ый иһигэр барыта 9 280 оҕо төрөөтө, итинтэн 4 719 уол уонна 4 561 – кыыс.

ЗАГС управлениетын дааннайдарынан, уолаттары ордук Лев, Артем, Артур, Эркин, Александр, Айтал, Марк, Михаил, Арылхан, Тимур уонна Андрей диэн ааттаатылар.

Алтынньы ыйга төрөөбүт уолаттар сэдэх уонна ураты ааттара: Салим, Рамис, Ренат, Ринчин, Ричард, Роберт-Аяман, Ромиз, Рэн-Марк, Добун, Имрон, Леонард, Квентин, Кыым, Мичээр, Уйгун, Уйусхан, Тэгил, Эрбол, Юнус, Талбан, Тео, Тим, Толлуман, Ван, Быйаман, Айар-Хаан, Айан, Бернар, Аюр, Алмаас, Абубакр, Амантур.

Алтынньы ыйга төрөөбүт кыргыттары ордук София, Милана, Ева, Анна, Аделина, Амина, Полина уонна Таисия диэн ааттаатылар.

Кыргыттарга эмиэ эриэккэс ааттар бааллар – Юния, Флавиана, Юмжана, Теона, Эсмира, Омина, Эмилина, Ясина, Мэдэгма, Мырзаайым, Туймаада, Миялина, Шукрия, Сибэкки, Сия, Чэлгийээнэ, Алисия, Сыралыма-Куо, Сэгэйэ, Эвина, Элиана, Авелина, Садия, Таптал, Риана, Аябрина, Герда, Аурелия, Дайаана-Туллук, Доминика, Жания, Алиана, Амаана, Амалия, Амилина, Амира, Амрия, Миранда, Айа-София, Арима, Ария, Леа, Леона, Айико, Луна, Медина, Милияна, Мирабелла, Киара, Кыыма, Кэрэ, Кюн.

Төрөөһүн таһымынан Саха сирэ Уһук Илиҥҥи Федеральнай уокурукка бастакы уонна Федерация субъектарын ортотугар сэттис миэстэлэргэ сылдьар. Эдэр ыаллары өйүүр миэрэлэр, ол иһигэр дойду бэрэсидьиэнэ Владимир Путин көҕүлээбит «Демография» национальнай бырайыагын көмөлөрүнэн, 2023 сыл бэс ыйыгар өрөспүүбүлүкэ олохтоохторун ахсаана  1 мөлүйүөнтэн таҕыста.