Алтынньы 1 күнүгэр Бүтүн Арассыыйатааҕы хаамыы күнэ бэлиэтэнэр

Тэрээһин Н.Н. Тарскай аатынан «Туймаада» стадиоҥҥа  уонна Култуура уонна сынньалаҥ пааркатыгар ыытыллыаҕа. Бырагыраама быһыытынан, 09:00 чаастан кыттааччылары регистрациялааһын саҕаланар,  10:00 чаастан – Хаамыы күнүн аһыллыыта.

Хаамыы күнүн үөрүүлээхтик арыйыы кэнниттэн бүттүүн старт «Доруобуйа ыллыгар» саҕаланыаҕа. Дистанция уһуна – 3 км.

Дистанцияны ааһыы түмүгүнэн анал номинациялары туттарыахтара: «Спортивнай дьиэ кэргэн», «Хотугу хаамыыга саамай техничнэй кыттааччы», «Саамай саастаах кыттааччы», «Саамай маассабай корпоративнай кыттыы» уонна «Саамай чаҕылхай экипировка».

Кыайыылахтары дипломнарынан уонна кубоктарынан наҕараадалыахтара.