Академиктар куораты сайыннарыыга көрүүлэрин үллэһиннилэр

Куорат баһылыга нэһилиэнньэни уонна үлэ кэлэптииптэрин иннигэр үгэс буолбут отчуотун чэрчитинэн Наукалар академияларын чилиэннэрин иннигэр көрсүһүүгэ учуонайдар куораты сайыннарыыга, чуолаан көҕөрдүү үлэтигэр, питомник тэрийиигэ о.д.а. наука өттүнэн көмөлөһөргө бэлэмнэрин биллэрдилэр.
Евгений Григорьев Наукалар академияларын кэлэктиибин иннигэр 2023 сыл түмүгүнэн отчуотун кэнниттэн учуонайдар наука ситиһиилэрин куораты сайыннарыыга туһанарга этиилэрин киллэрдилэр. Ол курдук, суол өрөмүөнүгэр, ардах, хаар уутун сүүрдүүгэ, куораты көҕөрдүү концепциятыгар, мас питомнигын тэрийиигэ, бүддьүөтү оҥорууга, экономикаҕа, куорат уопсастыбаннай тырааныспарын сайыннарыы эйгэтигэр наука өттүнэн көмөлөһөргө бэлэмнэрин биллэрдилэр. 
Академиктар маны сэргэ Дьокуускай куоракка «Килбиэннээх үлэ куората» аат иҥэриллибитэ тугу эбээһинэстиирин, туох үлэ ыытылларын, Кырдьаҕас куораты тутууну ыйыталастылар, манна барыгытыгар наука, тиэхиньикэ ситиһиилэрин туһанар наадатын ыйдылар итиэннэ маастар-былааны олоххо киллэрии Дьокуускай куораты Уһук Илин биир саамай тупсаҕай уонна хааччыллыылаах куоратыгар кубулутарыгар эрэнэллэрин бэлиэтээтилэр.