04.02.2024 | 12:00

«Ахсынньыга саас»: аныгы саха худуоһунньуктара

«Үргэл» арт-галереяҕа график худуоһунньук Валериан Васильевка аналлаах үгэс буолбут Саха сирин эдэр худуоһунньуктарын быыстапката 25-с төгүлүн Дьокуускай куорат олохтоохторун уонна ыалдьыттарын саҥа хартыыналар тула түмэр.
«Ахсынньыга саас»: аныгы саха худуоһунньуктара
Ааптар: Уйгулана БОЧОНИНА
Бөлөххө киир

“Ахсынньыга саас” (“Весна в декабре”) быыстапкаҕа аныгы саха худуоһунньуктарын үлэлэрин бастакы көрөөччүлэр ахсааннарыгар киирэн, илэ хараххытынан сыаналыаххытын сөп.

Валериан Романович Васильев (1938-1970 сс.) — худуоһунньук, график, Саха Өрөспүүбүлүкэтин литератураҕа, искусствоҕа уонна архитектураҕа бириэмийэтин лауреата. Линогравюра, ксилография, литография тиэхиньикэлэринэн толорбут үлэлэрэ хас да көлүөнэ дьон биһирэбилин ылан, эдэр худуоһунньуктары айарга-тутарга кынаттыыллар.  Ону таһынан быыстапка чэрчитинэн бастыҥ худуоһунньуктарга Валериан Васильев аатынан бириэмийэ туттарыллар.

Бу сыл кыайыылааҕынан Саргылана Борисова буолла. Кини хартыыналарыгар төрөөбүт дойдутугар, чугас дьонугар истиҥ таптала көстөр. Маастар хас биирдии үлэтэ ахтыы курдук сырдык, ыраахтан ырылхайа суох эрээри, чугаһаатахха, ааспыты өйдөөбүт курдук чуолкай дэтээллэрдээх.

Вячеслав Яроев саҥа хартыыната — сылабаардаах, сахалыы иһиттээх-хомуостаах натюрморт — сүгүрүйээччилэрин күүтэр. Ону таһынан чээлэй күөх чараҥ кыс кыһын ортото сайыны уһугуннарбыт, оттон куура илик кырааска сыта тыыннаах маһы санатар.

Маны сэргэ Матвей Новиков “Балыксыт түүлэ”, Мария Иннокентьева “Үөһээ Дьааҥы хайалара”, Иннокентий Корякин “Сарсыардааҥҥы сиик”, Туйаара Шапошникова “Нам “Путь Октября” холкуоһа” уонна да атын үлэлэрин бэлиэтиэххэ сөп.

Быыстапка “Үргэл” арт-галереяҕа олунньу 19 күнүгэр диэри бэнидиэнньиктэн бээтинсэҕэ диэри 09:00-17:00 чч. үлэлиир.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!