Аэропорт көтөр балаһатын уларытан оҥоруу түмүктэннэ
Платон Ойуунускай аатынан Дьокуускай аэропордугар көтөр балаһаны уларытан оҥоруу түмүктэннэ, бэлиэтэ оҥоһулунна уонна сырдатар-сигналлыыр тэрил туруорулунна диэн «Ространсмодернизация» ФХТ иһитиннэрдэ.
Балаһаны үлэҕэ киллэрэргэ көҥүл ылыллыбыт. Саҥардан оҥоруу кэнниттэн көтөр балаһа туһааннаах уһуна 3600 миэтэрэ буолла.
Норуоттар икки ардыларынааҕы Дьокуускай аэропорда – Саха сирин тырааныспарын сүрүн түмүгэ. Кини салгын тырааныспарынан таһыы 80%-тан тахса кэриҥин сүгэр. Эбийиэк үлэҕэ киириитэ, аэропортка элбэх ахсааннаах пассажирдаах кэтит «фюзеляжтаах» салгын суудуналарын төгүрүк сылынан уонна суукканан көрсөр-көтүтэр кыаҕы биэрэр. Ити маршрут ситимэ кэҥииригэр эмиэ туһалаах.
Санатар буоллахха, Дьокуускай аэропордун балаһатын уларытан оҥоруу 2018 сыллаахха саҕаламмыта.
Сонуннар
Ордук ааҕаллар
