Аан дойду шедеврдэрэ — оҕо хараҕынан
![Аан дойду шедеврдэрэ — оҕо хараҕынан](https://kiinkuorat.ru/wp-content/uploads/2023/12/kXyxe3v9Lp.jpg)
Натюрморт живопись туспа жанрын быһыытынан Арассыыйаҕа XVIII-с үйэҕэ үөдүйбүтэ уонна XIX-с үйэ бүтүүтүгэр диэри аанньа ахтыллыбатаҕа, улахаҥҥа ууруллубатаҕа. Ол эрээри XX-с үйэҕэ натюрморт нуучча живопиһыгар биир сүрүн миэстэни ылбыта, силигилии сайдыбыта. Онтон ыла ойуулуур-дьүһүннүүр искусство саҥа саҕахтары арыйбыта.
Соторутааҕыта Хатастааҕы Оҕо искусствотын оскуолатын «Живопись» салаата тэрийэн ыыппыт өрөспүүбүлүкэтээҕи «Картины великих художников глазами детей» күрэҕэ түмүктэннэ. Төрдүс төгүлүн ыытыллыбыт куонкурус тиэмэтэ «Натюрморт» диэн буолла.
Худуоһунньук норуоттар икки ардыларынааҕы күнүгэр анаммыт күрэх сыл аайы кыттааччыта элбээн, далааһына кэҥээн иһэр. Ол курдук, быйыл Алдан, Амма, Бүлүү, Үөһээ Бүлүү, Горнай, Кэбээйи, Ленскэй, Мииринэй, Мэҥэ Хаҥалас, Нам, Ньурба, Өлүөхүмэ, Сунтаар, Таатта, Томпо, Уус Алдан, Усуйаана, Хаҥалас, Чурапчы улуустарыттан, Дьокуускайтан уонна киин куорат нэһилиэктэриттэн барыта 307 оҕо кытынна. Бу сырыыга оҕолор арҕаа дойду, нуучча уонна саха худуоһунньуктарын үлэлэрин хатылыырга холоннулар.
Кыттааччылар үлэлэрин ааттаах-суоллаах дьүүллүүр сүбэ сыаналаата: Федот Гаврильевич Макаров – СӨ искусстволарын үтүөлээх диэйэтэлэ, Арассыыйа Худуоһунньуктарын сойууһун чилиэнэ, Бүтүн Арассыыйатааҕы «Арассыыйа худуоһунньуктарын сойууһа» айар уопсастыбаннай тэрилтэ «Духовность. Традиции. Мастерство» кыһыл көмүс мэтээлин хаһаайына, живописец худуоһунньук; Мария Николаевна Иннокентьева – СӨ култууратын туйгуна, Арассыыйа худуоһунньуктарын сойууһун чилиэнэ, В. Васильев аатынан бириэмийэ лауреата, П.П. Романов аатынан Дьокуускайдааҕы художественнай училище живописька салаатын сэбиэдиссэйэ, живописец худуоһунньук; Нюргустана Владимировна Филиппова – СӨ култууратын туйгуна, ДьХУ декоративнай-прикладной искусствоҕа уонна норуот оҥоһуктарыгар салаатын сэбиэдиссэйэ, преподаватель, скульптор худуоһунньук.
Кинилэр кыттааччылар таһымнара үрдүгүн бэлиэтээтилэр, эдэркээн худуоһунньуктарга айар үлэнэн салгыы дьарыктаналларыгар, айар күрэхтэргэ инникитин да кытта туралларыгар баҕа санааларын тиэртилэр.
Тэрийээччилэр куонкуруска оҕолору көҕүлээн кытыннарбыт преподавателлэргэ, салайааччыларга махталларын биллэрдилэр. Кырдьык даҕаны, оҕолор маннык күрэхтэргэ кыттан, аан дойду шедеврдэрин билсэн, элбэххэ үөрэнэллэр, маастарыстыбаларын үрдэтэллэр.
Оҕо кыраҕы хараҕынан, ураты көрүүтүнэн оннооҕор аан дойду чулуу айымньылара саҥалыы тыыннаналлар. Ону быйылгы күрэххэ киирбит бастыҥ үлэлэри көрдөххүтүнэ, илэ хараххытынан итэҕэйиэххит.
![](/wp-content/uploads/inline/2023/12/57N3JTEPNO.jpg)
В.Ф. Стожаров «Натюрморт с рябиной» (1967 с.) хартыынатын куоппуйата, акварель
Депутатскайдааҕы Оҕо искусствотын оскуолата, Усуйаана улууһа.
Преподаватель: Сивцева А.А.
![](/wp-content/uploads/inline/2023/12/NMPpezYPgq.jpg)
Эдуард Васильев «Натюрморт с букетом клевера» (2013 с.) үлэтин куоппуйата
З.П. Винокуров аатынан Намнааҕы Оҕо искусствотын оскуолата
Преподаватель: Захарова А.А.
![](/wp-content/uploads/inline/2023/12/PVi45DRJ1G.jpg)
Энн Уилсон «Завтрак» хартыынатын куоппуйата, гуашь
Хатастааҕы Оҕо искусствотын оскуолата
Преподаватель: Егорова Е.П.
![](/wp-content/uploads/inline/2023/12/f9yjqKuw2a.jpg)
И.Ф. Хруцкий «Цветы и плоды» (1839 с.) үлэтин куоппуйата, гуашь
Депутатскайдааҕы Оҕо искусствотын оскуолата, Усуйаана улууһа.
Преподаватель: Фролова И.Г.
![](/wp-content/uploads/inline/2023/12/Ml3nVdDqDK.jpg)
К.Петров-Водкин «Виноград» (1938 с.) хартыынатын куоппуйата
Ф.С. Аргунов аатынан Ытык Күөллээҕи Оҕо искусствотын оскуолата, Таатта улууһа
Преподаватель: Билюкина С.К.
![](/wp-content/uploads/inline/2023/12/FVgx9db44d.jpg)
Дмитрий Анненков «Яблоки» натюрмортун куоппуйата (акварель)
Бороҕоннооҕу Оҕо искусствотын оскуолата, Уус Алдан улууһа
Преподаватель: Мухина С.Ф.
![](/wp-content/uploads/inline/2023/12/BIcQfzYs33.jpg)
Анри Матисс «Натюрморт с кувшином и фруктами» (1898 с.) хартыынатын куоппуйата
А.П. Гоголев аатынан Чурапчытааҕы Оҕо искусствотын оскуолата
Преподаватель: Захарова К.К.
![](/wp-content/uploads/inline/2023/12/jOrfK8GzGu.jpg)
Шайю Роберт «Натюрморт с яблоками и зеленым кувшином» үлэтин куоппуйата (гуашь)
Сангаардааҕы Оҕо искусствотын оскуолата, Кэбээйи улууһа
Преподаватель: Оконешникова Н.С.
![](/wp-content/uploads/inline/2023/12/shZmFxZ2iQ.jpg)
К.С. Петров-Водкин «Утренний натюрмот» (1918 с.) хартыынатын куоппуйата, (гуашь)
Хатастааҕы Оҕо искусствотын оскуолата
Преподаватель: Макарова С.М.
![](/wp-content/uploads/inline/2023/12/ZpKSbL241l.jpg)
П.П. Кончаловскай «Натюрморт с бегонией» хартыынатын куоппуйата
Уус Куйга бөһүөлэгин Оҕо искусствотын оскуолата, Усуйаана улууһа
Преподаватель: Тучинова Н.Ц.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)