Ааһан эрэр сайын бэлиэ түгэннэрэ
Дыгын оонньууларыгар Дьяконов уола кыайда
Туймаада Ыһыаҕар икки күн устата «Дыгын оонньуулара – 2023» тыҥааһыннаах күрэх буолан ааста. Күрэххэ уопсайа 12 спортсмен күөн көрүстэ. Уопсай түмүккэ Нам улууһун бөҕөһө Вячеслав Дьяконов 30 очкону ылан чөмпүйүөн үрдүк аатын сүктэ. Санатан эттэххэ, кини «Дыгын оонньууларын» алта төгүллээх чөмпүйүөнэ Николай Дьяконов төрөппүт уола.
Ponsash уонна Fiesta саҥа ырыалара
Быйыл сайын «Оо, кырдьык, астык кыыс оҕо, тохтоо, уурдум болҕомто» диэн тыллары элбэхтэ истибит буолуохтааххыт. Ponsash уонна Fiesta «Кыыс оҕо» диэн саҥа ырыалара ааһан эрэр сайын хита буолла.
Сүүрүүк кыыс ыал буолла
Бэс ыйыгар Саха сирин аатырбыт сүүрүүгэ Сардаана Трофимова ыал буолла. Кэргэнэ Евгений хайа инженеринэн үлэлиир, Нам оройуонун олохтооҕо. Эдэрдэр оруобуна биир сыл анараа өттүгэр сыбаайбаҕа билсибиттэр.
Дмитрий Коркиҥҥа аналлаах киинэ
Аатырбыт тренер Дмитрий Коркин сырдык кэриэһигэр «Триумф» диэн ааттаах спортивнай драма уһуллуута түмүктэннэ.
Кинематографистар олимпиецтары иитэн таһаарбыт Улуу тренер аатын үйэтитиигэ бэйэлэрин кылааттарын киллэрдилэр. Санатан эттэххэ, быйыл Саха сиригэр Дмитрий Коркин төрөөбүтэ 95 сылын бэлиэтиэхпит.
Сонуннар
Ордук ааҕаллар
