А.Е. Кулаковскай аатынан Норуоттар доҕордоһууларын дьиэтэ аһымал кэнсиэргэ ыҥырар

Бүгүн, балаҕан ыйын 20 күнүгэр, киэһэ 18.30 чаастан А.Е. Кулаковскай аатынан Норуоттар доҕордоһууларын дьиэтигэр Донецкай уонна Луганскай Норуодунай Өрөспүүбүлүкэлэр олохтоохторун өйүүр аһымал кэнсиэр ыытыллар. Билиэт атыытыттан киирбит үп Донецкай уонна Луганскай Норуодунай Өрөспүүбүлүкэлэр олохтоохторугар көмө быһыытынан барар.  

Кэнсиэргэ Сахаайа, Аскалон Павлов, Варя Аманатова, Чыскыырай, Василена Шарина, «Виртуозы Якутии», «Туймаада» Судаарыстыбаннай вокальнай ансаамбыл, А.Е. Кулаковскай аатынан Норуоттар доҕордоһууларын дьиэтин айар кэлэктииптэрэ уо.д.а. кыттыыны ылыахтара.

Билиэт А.Е. Кулаковскай аатынан Норуоттар доҕордоһууларын дьиэтин каассатыгар атыыланар, аадырыһа: Дьокуускай куорат, Поярков уул., 4.

Каасса үлэтин кэмэ: күн аайы 11:00 чаастан 18:00 чааска диэри. Төлөпүөнэ: 32-82-96.

Билиэт сыаната – 500 солк.