02.10.2022 | 08:28

Аҕам саастаах дьоммут астына алтыстылар, үөрэ-көтө көрүстүлэр

Аҕам саастаах дьоммут астына алтыстылар, үөрэ-көтө көрүстүлэр
Ааптар: Наталья Руфова
Бөлөххө киир

Бэҕэһээ, Аҕам саастаах дьон күннэригэр, Хатаска алтынньыны быһа быстыбакка барыахтаах кэккэ тэрээһиннэр саҕаланнылар. Ол курдук, күнүс 11 чааска "Тускул" КК икки массыына тобус-толору бэтэрээннэр тиэллэн, Хатаспыт устун экскурсияҕа туруннулар. Бу тэрээһин "Узнай свою улицу" бырайыак чэрчитинэн оҥоһулунна. Сымнаҕас олбохтоох, сылаас Газель оптуобуска уонна биир омук микрооптуобуһунан Хатаспыт дьонун-сэргэтин аатынан ааттаммыт уулуссаларынан бардыбыт. Нэһилиэккэ киирии бэлиэ сириттэн саҕалаатыбыт. Түөлбэ-түөлбэ тус-туспа, тэлгэһэ-тэлгэһэ атын-атын көстүү. Киһи үөрэрэ диэн, олох салҕанарын бэлиэтэ - дьиэ акылаатын түһүүтэ, олбуор остуолбатын дьааматын хаһааччы, ханаапыкалааччы уо.д.а. Уулуссаҕа оскуолаттан иһэр оҕолор, син абына-   табына да буоллар сүөһүлэр, кыбыылары, олбуордары толору тиэйиллибит урулуоннаах, кэбиһиилээх оттор бааллара сүрэҕи-быары ортотунан киирэр. Нэһилиэк кэҥээбитин, тэнийбитин, дьон - сэргэ олоҕун хаачыстыбата үчүгэйин көрөннөр бэтэрээннэрбит сэргэхсийэ түстүлэр.


''Киэҥ хочо'' түөлбэҕэ Үлэ Кыһыл Знамята уордьан кавалера, ССРС Эргиэн туйгуна, атыы-тутуу эйгэтигэр кэккэ сонун хамсааһыннары киллэрбит  Константинов Ф.Е быстах туора уулуссатыгар анал информационнай аншлаг ыйанна. Тус анал бырайыак киэнэ буоларын бэлиэтэ буолан аншлаг өҥө ураты. Бу түгэҥҥэ, бу күҥҥэ дьоһун киһибит ыччат дьоно - оҕото ХИФУ бэтэрээн преподавателэ Константинов А.Ф, сиэннэрэ Макаров Ф.Г, Чабыева Н.Г уонна аймах - билэ дьонноро Громовтар, Баишевтар, Жирковтар оҕолорун, сиэннэрин кытта бааллар. 
Эскурсия дьоно салгыы атын уулуссаларынан оҥоһулла сылдьар суолунан айаннаан, нэһилиэкпит историятын музейыгар тиийдилэр. Манна П.П.Федороваҕа аналлаах хаартыска,видео, живопись быыстапкатын көрдүлэр-иһиттилэр, ол кэннэ сахалыы итии үүттээх чэй иһэ-иһэ ирэ - хоро кэпсэттилэр. Ытык дьоммутугар анаан элбэх оҕолоох улахан дьиэ кэргэн ийэтэ Баишева Л. оҥорбут минньигэс тордун кытта олохтоох дьаһалта аатыттан фрукта арааһын сиэтилэр.   

Дьэ ити курдук бэтэрээннэрбит, бочуоттаах сынньалаҥҥа олорор ытыктанар дьоммут күһүҥҥү сиппэрэҥ сииктээх, былыттаах, курус тыыннаах күнү алтыһыы аламаҕай тыынынан сымнаттылар, көрсүһүү үөрүүтүнэн киэргэттилэр, сэһэн-сэппэн сэргэх эйгэтигэр бигэннилэр.

Тэрээһини Хатас нэһилиэгин олохтоох дьаһалтата (сал.Пермяков Е.П.), "Тускул" КК (дириэктэр Чепалов В.А.), музей сал. Баишев П.А. тэрийдилэр. 
Эскурсия тырааныспарын хааччыйбыт Н.Е. уонна П.Н. Самсоновтар ааттарынан ХОО (дир.Слепцов Н.В) уонна элбэх оҕолоох дьиэ  кэргэн аҕа баһылыга Колосов Д. барҕа махталбытын тиэрдэбит. Онтон дьиэлэригэр Хатастааҕы таксомоторнай сулууспалар  ( "Эрэл", "Техас", "Алмаз", 103, "Метеор") босхо тириэртилэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.