12.03.2024 | 19:20

«Аҕа күрэҕэ – 2024» быйылгы кыайыылаахтара кимнээҕий?

«Аҕа күрэҕэ – 2024» быйылгы кыайыылаахтара кимнээҕий?
Ааптар: Киин Куорат
Бөлөххө киир

Быйылгы «Аҕа күрэҕэ» үгэс курдук муус устар ыйга буолбакка, кулун тутарга ыытыллан, кыттааччылар күрэх түһүмэхтэрин таһынан күн-дьыл ураты тургутуутун аастылар. 
Тыҥааһыннаах киирсии түмүгүнэн «Аҕа күрэҕэ – 2024» муҥутуур кыайыылаахтарынан Октябрьскай уокуруктан Беляевтар ааттаннылар. Дьиэ кэргэн аҕа баһылыга Владислав Иванович Өрөспүүбүлүкэтээҕи спорт оскуолатыгар футбол тренеринэн үлэлиир, уола Бувайсар Дьокуускайдааҕы национальнай гимназия 9-с кылааһын үөрэнээччитэ. 
Иккис миэстэни Киин уокурук бэрэстэбиитэллэрэ Лебедевтэр дьиэ кэргэн ыллылар. Ыал аҕата Александр Игоревич – урбаанньыт, уола Алтан Алексеева ааптарыскай оскуолатын 8-с кылааһын үөрэнээччитэ, үһүс миэстэ хаһаайыннара – Хатастан Михаил Спартакович уолун Айуолу кытта.
Икки бастакы кыайыылаах муус устар 6-7 күннэригэр Мэҥэ Хаҥаласка «Ураһалаах» комплекска былааннанар өрөспүүбүлүкэтээҕи «Аҕа күрэҕэ – 2024» күрэххэ Дьокуускай куорат чиэһин көмүскүөхтэрэ.
Санатар буоллахха, «Аҕа күрэҕэ – 2024» күрэхтэһии сыллата визитка, бэрэбинэни суоруу, эрбээһин, мас хайытыы, ойбон алларыы, остуолбаҕа тахсыы, оллооҥҥо чэй өрүү уонна хайыһардааһын курдук түһүмэхтэртэн турар.
Быйыл VII-с төгүлүн ыытыллар «Аҕа күрэҕэ – 2024» куонкурус сүрүн сыалынан уопсастыбаҕа аҕа оруолун үрдэтии, спорду, чөл олоҕу пропагандалааһын, дьиэ кэргэн сыаннастарын үрдэтии буолар.
«Киин куорат» хаһыат бу чэппиэрдээҕи нүөмэригэр «Аҕа күрэҕэ – 2024» кыайыылааҕа Владислав Беляевы кытта интервьюну ааҕыҥ.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...