11.04.2023 | 10:26

“Аҕа күрэҕэ-2023” бастыҥнары түмтэ

“Аҕа күрэҕэ-2023” бастыҥнары түмтэ
Ааптар: Киин Куорат
Бөлөххө киир

Муус устар 6-7 күннэригэр Таатта улууһун Туора Күөл сэлиэнньэтигэр XXIII-с төгүлүн өрөспүүбүлүкэтээҕи «Аҕа күрэҕэ - 2023» ыытылынна. Онно барыта 18 хамаанда кытынна. 
Быйылгы куорат күрэҕин кыайыылаахтара Александр Ильич, Арсений Винокуровтар (Сайсары уокуруга) уонна 2-с миэстэни ылбыт Андрей Александрович, Артур Сивцевтэр (Пригороднай сэл.) Дьокуускай куорат чиэһин көмүскээтилэр.  
Төһө да тыаллаах, тымныы күн-дьыл турдар, биһиги аҕаларбыт уонна уолаттарбыт күрэх бары түһүмэхтэригэр бэркэ кытыннылар. Винокуровтар дьиэ кэргэн хайыһарга I миэстэни ылла, ону тэҥэ бэрэбинэни суорууга уонна баҕанаҕа ыттыыга III миэстэҕэ тигистэ. Сивцевтэр баҕанаҕа ыттыы түһүмэҕэр тэҥнээхтэрин булбатылар, бастаатылар. Ол курдук, Артур тииҥ курдук хатаастан, остуолбаҕа 8 сөкүүндэнэн тахсан, өрөспүүбүлүкэҕэ рекорд олохтоото! 
Илистиилээх, эрийсиилээх күрэх түмүгүнэн Мэҥэ Хаҥаластан Окороковтар дьиэ кэргэн кыайыылаах аатын сүктэ, II миэстэни Амматтан Федоровтар ыллылар, Чурапчыттан Кривошапкиннар хамаандалара бочуоттаах үһүс миэстэҕэ таҕыста. 
Дьокуускай куорат хамаандалара Винокуровтар дьиэ кэргэн – V, Сивцевтэр XIII миэстэлэргэ тигистилэр. 
Дьокуускай куорат “Аҕа күрэҕин” муниципальнай түһүмэҕин үрдүк таһымнаахтык ыыппытын иһин бастакы миэстэни ылла.   
“Саамай элбэх киһилээх тэрээһини ыыппыппытын көрөн, видеонан отчуоппутун үрдүктүк сыаналаатылар, 100 тыһыынча солкуобайынан наҕараадаланныбыт”, – диэн үөрүүлээх сонуну иһитиннэрдэ Дьокуускай куорат Аҕаларын сэбиэтин чилиэнэ Егор Жерготов.  
Бэлиэтээн эттэххэ, эһиилгиттэн өрөспүүбүлүкэтээҕи “Аҕа күрэҕэ” Дьокуускай куоракка ыытыллар буолуоҕа.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.