Аҕа дойдуну көмүскээччилэр күннэринэн тэрээһиннэр салҕаналлар

Ол курдук, олунньу 21 күнүгэр «Арассыыйа – мин историям» музейга Саха сирин эдэр олохтоохторун «ЮНАРМИЯ» Бүтүн Арассыыйатааҕы оҕо-ыччат байыаннай-патриотическай уопсастыбаннай хамсааһын  кэккэтигэр киллэрии үөрүүлээх быһыыга-майгыга ыытыллар.

Олунньу 21-26 күннэригэр «Кыайыы 50 сыла» Спорт дыбарыаһыгар кикбоксиҥҥа Александр Иванов кэриэһигэр Уһук Илиҥҥи федеральнай уокурук чемпионата буолар.

Олунньу 22 күнүгэр А.Е. Кулаковскай аатынан Норуоттар доҕордоһууларын дьиэтигэр үһүс төгүлүн «Төрөөбүт сирбит киэн туттуута» бэстибээл өрөспүүбүлүкэ араас муннуктарыттан эр дьон кэлэктииптэрин түмүөҕэ. Бу күн оҕолорго анаан Дьокуускай куорат историятын музейыгар «Күн оҕолоро» айар бөлөх анимационнай киинэни көрдөрүөҕэ. Итиэннэ эмиэ бу күн Байыаннай үөрэх киинигэр  «Армейский городок» байыаннай-патриотическай бэстибээл ыытыллар.

Олунньу 22-24 күннэригэр Уһук Илиҥҥи федеральнай уокурукка өрөспүүбүлүкэ бэрэстэбиитэлистибэтэ, биир дойдулаахтарбыт түмсүүлэрэ, ыччат уопсастыбаннай тэрилтэлэрэ, устудьуоннар Илиҥҥи байыаннай уокурук чаастарыгар сылдьан байыаннай сулууспалаахтары эҕэрдэлиэхтэрэ.

Аҕа дойдуну көмүскээччилэр күннэригэр Ильмен күөлгэ охтубут буойуттар сквердэригэр уонна Кыайыы пааркатыгар сибэкки дьөрбөтө ууруллуоҕа. Бу күн Дьокуускай куоракка «Үлэ килбиэнин куората» Арассыыйа Федерациятын бочуоттаах аата иҥэриллибитигэр аналлаах үөрүүлээх тэрээһин ыытыллыаҕа.

Олунньу 23-24 күннэригэр киин куоракка Аҕа дойдуну көмүскээччилэр күннэригэр анаммыт буулдьанан ытыыга өрөспүүбүлүкэ турнира ыытыллар.

Олунньу 23-26 күннэригэр «Сахафильм» хампаанньаҕа «Снайпер саха» уус-уран киинэни көрдөрүөхтэрэ.