35 уулусса дэхсилэннэ

Ыам ыйын 6 күнүттэн саҕалаан атырдьах ыйыгар диэри куорат суолларыгар суол көҥүтэ барбытын дэхсилиир «дьаама өрөмүөнэ» ыытыллар. Бүгүҥҥү күҥҥэ 35 уулуссаҕа 12 тыһ. кв м иэннээх өрөмүөн түмүктэммит.
Ол курдук, Хабаров, Быковскай, Гагарин, Богатырев, Лермонтов, Дзержинскэй, Богдан Чижик, Сэбиэскэй Аармыйа 50 сыла, Ойуунускай, Ярославскай, Федор Попов, Дежнев, Стадухин, Халтурин, Петр Алексеев, Өктөөп 50 сыла автострада, Севастопольскай, Строителлэр, Чиряев, Жорницкай, Пионерскай, Новокарьернай, Горькай, Тургенев, Петровскай, Бестужев-Марлинскай, Свердлов, Семен Данилов, Ксенофонт Уткин, Автодорожнай, Роман Дмитриев уулуссаларыгар, Сэргэлээх шоссетыгар, Бүлүү трагыгар, Хатыҥ Үрэх, Новообъездной шосселарга «дьаама» өрөмүөнэ түмүктэммит.  
Бэдэрээтчиттэр - «Якутдорстрой» АУо, «РИК Автодор» АУо, «Сэттэ» ДРСУ уонна «Дороги Саха» САУо.
Куорат хаһаайыстыбатын салайар сулууспа салайааччыта Владимир Аммосов иһитиннэрбитинэн, өрөмүөннэнэр учаастактары мониторинг көмөтүнэн уонна ГИБДД управлениетын уонна нэһилиэнньэ үҥсүүлэринэн быһаараллар.    
От ыйын 10 күнүнээҕи түмүгүнэн үлэ Красильников уулуссатыгар уонна Покровскай тракка бара турар.   
«Дьаама» өрөмүөнүгэр 36,8 мөл.солк. кээмэйдээх муниципальнай контракт түһэрсиллибитэ.