348 сайылыкка 41 тыһыынчаттан тахса ынах сүөһү турар
![348 сайылыкка 41 тыһыынчаттан тахса ынах сүөһү турар](https://kiinkuorat.ru/wp-content/uploads/2024/07/3qiQLfWe5r.jpg)
Быйыл өрөспүүбүлүкэ үрдүнэн 348 сайылык үлэлии турар, ол иһигэр: 332 сайылык үрүҥ илгэни үрүлүтүүнэн дьарыктанар, 16 – субан сүөһүнү көрүүгэ идэтийэр.
Сайылыктарга барытыгар 41 223 ынах сүөһү иитиллэр, онтон ыанар ынаҕа – 18 831. 255 сайылык механизациялаах, ол иһигэр 195 – тэрээһиннээх хаһаайыстыбалар сайылыктара. Сайылыктарга 1838 киһи, ол иһигэр 795 ыанньыксыт, 156 үүт тутааччы, 205 осеменатор, 271 ньирэй көрөөччү, 411 бостуук үлэлииллэр.
Бу күннэргэ 2024 сылга тыа хаһаайыстыбатын кооперативтарыгар хотон, сайылык, оҕуруот аһын харайар баазаны туттууга көрүллүбүт 84 мөл.солк. тахса иэннээх үп суотугар субсидиялары анааһын үлэтэ ыытыллар. Бэлиэтээн эттэххэ, ааспыт 2023 сылга 100 ыанар ынахха сайылык туттуутугар судаарыстыба бүддьүөтүттэн Сунтаар, Томпо Кэбээйи, Ленскэй оройуоннарыттан 5 хаһаайыстыбаҕа уопсайа 14,74 мөл. солк. кээмэйдээх субсидия бэриллэн турар.
Ыаммыт үүтү тутуунан өрөспүүбүлүкэ үрдүнэн 44 тэрилтэ дьарыктанар. Сыллааҕы субвенция кээмэйин 68 %-на , ол эбэтэр 2430,217 мөл. солк. муниципальнай тэриллиилэргэ тиксэрилиннэ. Нам уонна Өлүөхүмэ улуустара 80% ылан олороллор. Үүт туттарааччыларга субсидия харчыта толору кээмэйинэн тиэрдилиннэ.
Санатар буоллахха, Ил Дархан Айсен Николаев дьаһалынан быйыл 1 лиитирэ үүт субсидията 60-тан 65 солк. диэри үрдээбитэ. Онон үүтү атыылаһыы сыаната 80 солк. буолла, мантан 15 солк. фермердэргэ соҕотуопкалыыр тэрилтэ төлүүр, диэн иһитиннэрэр Ил Дархан уонна бырабыыталыстыба пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)