26.01.2024 | 15:30

32 км суол Дьокуускайга 2024 сылга өрөмүөннэниэҕэ

32 км суол Дьокуускайга 2024 сылга өрөмүөннэниэҕэ
Ааптар: Киин Куорат
Бөлөххө киир

«Куттала суох уонна хаачыстыбалаах суоллар» национальнай бырайыагынан үүммүт 2024 сылга киин куоракка 32,4 км устаалаах суол өрөмүөннэниэҕэ.

«Главстрой» МХТ иһитиннэрэринэн, бүгүҥҥү күҥҥэ 19 эбийиэктэн 16-гар хантараак түһэрсиллибит. Ол курдук, Можайскай уулуссатын Пилоттар уулуссаларыттан Строд уулуссатыгар диэри кэрчигин 4 балаһаҕа диэри кэҥэтии үлэтэ түмүктэнэр. Маны сэргэ бу уулуссаҕа Севастопольскай уулуссаттан Өктөөп 50 сыла автострадаҕа диэри хапытаалынай өрөмүөн түмүктэнэр.

Винокуров уулуссатын Ильменскэйтэн Чайковскай уулуссатыгар диэри саҥардан тутуу, Бүлүүлүүр суол быһа охсуһуутун Лермонтов уулуссатыттан Объездной шоссеҕа диэри учаастагын, Иван Крафт уулуссатын Иван Кульбертинов уулуссатыттан Эргэ Покровскайдыыр суолга диэри учаастагын, Кангалаас бөһүөлэгэр Ольховая уулусса, Птицефабрика оройуонугар элбэх оҕолоохтор кыбаарталларыгар киирэр Хомустаах уулусса хапытаалынай өрөмүөннэрэ тмүктэниэҕэ.

2024 сылга хапытаалынай өрөмүөн өссө маннык уулуссаларга ыытыллар: Речниктэр уулуссаларын Бабушкин уулуссатыттан Рихард Зорге уулуссатыгар диэри кэрчигэ, Сэргэлээх шоссетын 5 км «Берегиня» оҕо дьиэтигэр тиэрдэр суол, Бестужев-Марлинскай уулуссатын Богдан Чижик уулуссатыттан Кальвица уулуссатыгар диэри кэрчигэ, Кузьмин уулуссата (2 учаастак), Тускул» дьоҕус оройуоҥҥа Сайдыы уулусса, Макаренко, Генерал Притузов уулуссалара, Рыдзинскай уулуссатын Жорницкай уулуссатыттан Халтурин уулуссатыгар диэри учаастага, Мархаҕа Мелиоратордар уулуссалара, Сыырдаахха УДС, Севернай кыбаартал (2-с уочарата) суолларын хапытаалыгай өрөмүөнэ уонна Автомобилистар уулуссаларын Автодорожнайтан Сэргэлээх күөлүгэр диэри кэрчигэ.

«Куттала суох уонна хаачыстыбалаах суоллар» национальнай бырайыагынан маны сэргэ эбии 2,6 км усталаах эбийиэктэри бэлэмнээһин ыытыллар.

Бэлиэтээн эттэххэ, 2023 сылга «Куттала суох уонна хаачыстыбалаах суоллар» национальнай бырайыагынан Дьокуускайга 30 км усталаах суол оҥоһулунна. Ол курдук 2019 сылтан, барыйыак саҕаланыаҕыттан, киин куорат 164 км усталаах уулусса-суол ситимэ нуормаҕа эппиэттиир гына оҥоһулунна.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!