03.02.2023 | 19:49

2032 сылга диэри киин куоракка хаарбах дьиэ суох буолар

2032 сылга диэри киин куоракка хаарбах дьиэ суох буолар
Ааптар: Киин Куорат
Бөлөххө киир

2021 сыл балаҕан ыйын 8 күнүнээҕи «2032 сылга диэри Саха Өрөспүүбүлүкэтин киин куоратын – Дьокуускай куораты сайыннарыы туһунан» ыйааҕы олоххо киллэрии чэрчитинэн Ил Дархан Айсен Николаев Дьокуускай куорат Олохтоох дьаһалтатыгар куорат баһылыга Евгений Григорьев, баһылыгы солбуйааччылар, Ил Түмэн, Куорат дууматын дьокутааттара, структуралар, куорат тэрилтэлэрин салайааччылара кыттыылаах киэҥ ыҥырыылаах мунньаҕы ыытта. 

Айсен Николаев иһитиннэрбитинэн, киин куорат маастар-былаанын олоххо киллэриигэ 2023-2024 сылларга 10 млрд солк. көрүллүбүт. 
Уһук Илин 25 куоратын сайыннарыыга бүддьүөт кирэдьиитин иитинэн федеральнай бүддьүөт Арассыыйа Бэрэсидьиэнэ Владимир Путин дьаһалынан 100 млрд солк. көрөр. Федеральнай үбүлээһининэн туһанар куораттар испииһэктэригэр Саха сириттэн Дьокуускай уонна Нерюнгри киирбиттэр.
Бу харчы суотугар Дьокуускай куорат 2, 4, 17 кыбаарталларыгар тутуллар «Спортивнай» дьоҕус оройуон инфраструктурата, Ленин болуоссата уонна Сайсары кытыла оҥоһуллар. Үлэ быйыл саҕаланар. 
Ыытыллаары турар үйэҕэ буолбатах баараҕай үлэни Ил Дархан салайааччылаах Биэдэмистибэлэр икки ардыларынааҕы бырайыактыыр офис үүннүүр-тэһиинниир.
2021 сылтан «Звезднай» дьоҕус оройуону комплекснай сайыннарыы инвестиционнай бырайыага олоххо киллэриллэ турар. Бу, Саха сирэ биир бастакынан сайаапка биэрэн, 3 686 мөл. солк. иэннээх бүддьүөт кирэдьиитин ылар кыаҕы ситиспитин суотугар ыытыллар. Маны сэргэ 990 миэстэлээх оскуола уонна поликлиника тутуутугар 2,7 млрд солк. иэннээх облигация ылар ситиһиллибит. 2028 сылга диэри 265 тыһ. кв. м. уопсай иэннээх олорор дьиэ тутуллуоҕа, манна 11 тыһыынча кэриҥэ киһи олохсуйан, хаарбах дьиэттэн көһөрүү бырагырааматын олоххо киллэриигэ төһүү күүс буолар диэтилэр. 
Тиэргэни тупсарыыны үбүлээһин иэнэ эмиэ улаатан, 450 мөл. солк. тиийэрэ күүтүллэр. Онон, куораты тупсарыыга үйэҕэ буолбатах үбүлээһин киирээри турар. Онуоха нэһилиэнньэ кыттыыта сүҥкэн суолталаах, хас биирдии тиэргэн бырайыага, тутуу үлэтэ дьэҥкэ, наада буоллаҕына, хонтуруолланыахтаах. 
Куорат баһылыга Евгений Григорьев иһитиннэрбитинэн, Ил Дархан ыйааҕын олоххо киллэрии комплекснай былаан быһыытынан ыытыллар. Ол иһигэр тиэргэни тупсарыы уонна өрөмүөннээһин, оптуобус пааркатын саҥардыы болдьоҕун иннинэ олоххо киирбиттэрэн эттэ. Оҕо саадтарын хапытаалынай өрөмүөнүн үбүлээһиҥҥэ уонна чааһынай оҕо саадтарын субсидиятын улаатыннарыыга эмиэ болҕомто ууруллара наадатын бэлиэтээтэ. Маны сэргэ 2019-2025 сс. хаарбах дьиэттэн көһөрүү бырагыраамата болдьоҕун иининэ 2023 сылга бүтэр кэскиллээҕин бэлиэтээн туран, ситиһиллибит тиэмпэни ыһыктыбакка, 2024-2025 сс. үбүлээһин кыалыннаҕына, 2032 сылга Дьокуускайга хаарбах дьиэ суох буолуон сөп эбит.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Иван Федоров:  «Сылгы саҥарбат эрэ буруйдаах»
Дьон | 28.03.2024 | 10:00
Иван Федоров: «Сылгы саҥарбат эрэ буруйдаах»
Кулун тутар 21 күнэ – Саха Өрөспүүбүлүкэтигэр Сылгыһыт күнэ.  Статистика чахчыларын көрдөххө, 2024 сыл тохсунньу 1 күнүнээҕи туругунан Саха Өрөспүүбүлүкэтин үрдүнэн 178 856 төбө сылгы, ол иһигэр 122 452 биэ баар. Оттон 2017 сыллаахха, Сылгыһыт күнэ олохтоммут сылыгар, сылгы уопсай ахсаана 183 889 тиийэн турбут. Маны сэргэ ааспыт 2023 сылга...