2022: Хайдах былаачыйа муоданый?

А-силуэт

А-силуэт – былаачыйа аллара кэҥээн түһэрэ ааттанар. Быйылгы сезоҥҥа дизайнердар бөдөҥ декорациялаах былаачыйалары сүбэлииллэр.

Бөдөҥ сибэккилээх

Сибэкки муодаттан хаһан да тахсыбат. Быйыл ордук оҕуруонан оҥоһуллубут, баайыы сибэккилэр «былааһы ылыахтара».

Баайыы дэтээллэрдээх

Сиэҕигэр куруһубалаах, көхсүгэр бахромалаах былаачыйаҕа ханнык даҕаны аксессуар наадата суох.

Чаҕылхай көстүүлээх

Төһөнөн чаҕылхай да, соччонон муодунай диэн быраабыланан сирдэтинэбит. Холобур, биир уобараска хас даҕаны чаҕылхай дьүһүнү дьүөрэлиэххэ сөп. Эксперименнииртэн куттанымаҥ.

Мини

Быйылгы сайын биир уратыта – «кукольнай” былаачыйа. Супермуодунай буолуоххутун баҕарар буоллаххытына, болҕомтоҕутун кылгас былаачыйаларга уонна чаҕылхай өҥнөргө ууруҥ. Холобура, лаймовай дьүһүҥҥэ.

Бүүс-бүтүннүү муус маҥан

Хаһан да буоларын курдук, сайын муус маҥан өҥнөөх былаачыйа ордук сиэдэрэйдик уонна маанытык көстүөҕэ. Маҥан өҥ биир уратыта – загары үчүгэйдик көрдөрөр. Аксессуардарга болҕомтону уура сатааҥ. Атах таҥаһын, суумканы «тилиннэрэр” наада.

Үрүҥ-хара дьураа

Хара уонна үрүҥ дьүһүннэр дьүөрэлэһиилэрэ – быйылгы сайын саамай «трендэ”. Сүрүнэ, уһун-синньигэс полоска буолаллара ирдэнэр. Оттон кэтит эбэтэр синньигэс, туруору эбэтэр сытыары сурааһыннар буолаллара суолтаҕа ылыллыбат.

Уобараһы сэргэхситиэххитин баҕардаххытына, ырбаахыга  графическай моһуоннаах суумканы, баттахха киэргэллэ иилиниҥ.

Креш матырыйаалтан

Маннык матырыйаалтан тигиллибит былаачыйаны бөдөҥ аксессуары кытта дьүөрэлиэххэ сөп.

Дьүһүн туһунан эттэххэ, лаванда, салаат от өҥнөрө муода үрдүкү чыпчаалыгар тураллар.