189 киһи коронавирустаата

Саха сиригэр ааспыт сууккаҕа 189 киһи эбии коронавирустаата.

Дьокуускайга 105 киһи ыарыйда. Бүгүн суһал штаб ураты болҕомтотугар Ньурба, Миирнэй, Алдан оройуоннара, Эдьигээн, Нам улуустара ылылыннылар. Эдьигээҥҥэ — 12, Өймөкөөҥҥө — 7, Ленскэйгэ уонна Намҥа — алталыы, Алдан, Миирнэй, Ньурба оройуоннарыгар — биэстии киһи ыарыйда.

Маны таһынан, Бүлүү уонна Мэҥэ Хаҥалас улуустарыгар түөртүү киһи, Аммаҕа, Нерюнгрига, Тааттаҕа, Томпоҕо, Усуйаанаҕа уонна Чурапчыга — үстүү киһи ыалдьыбыта бэлиэтэннэ.

Аллайыаха, Үөһээ Бүлүү, Горнай, Кэбээйи уонна Уус Алдан улуустарыгар ыалдьыы иккилии түбэлтэтэ таҕыста. Муомаҕа уонна Өлүөхүмэҕэ — биирдии.

Ааспыт сууккаҕа коронавирустан эмиэ икки киһи тыына быһынна.

Лабораториялар 6 122 корнавируска анаалыс, пандемия саҕаланыаҕыттан 623 938 тест оҥорбуттар.