12.11.2020 | 07:46

17-с кыбаарталга көһөрүү бырагырааматынан үлэ салҕанар

17-с кыбаарталга көһөрүү бырагырааматынан үлэ салҕанар
Ааптар: Киин Куорат
Бөлөххө киир

Сэтинньи 10 күнүгэр Строительнай уокурукка 16 кыбартыыралаах мас дьиэни көтүрэн саҕалаатылар. 1964 сыллаах тутуу Семен Данилов уул., 18, турбута. Дьокуускай куорат баһылыгын эбээһинэһин толорооччу Евгений Григорьев миэстэтигэр тиийэн, үлэ хаамыытын көрдө-иһиттэ.

Хаарбах туруктаах, сууллар кутталлаах дьиэ олохтоохторо өрөспүүбүлүкэтээҕи бырагыраамаҕа киирсэн көһөрүллүбүттэрэ. Бу туһунан Дьиэ-уот сыһыаннаһыыларын департаменын дириэктэрэ Александр Новолоков иһитиннэрэр.

Ол курдук, 17-с кыбаарталга 170 элбэх кыбартыыралаах дьиэ көһөрүллүөхтээх. Онтон сотору кэминэн 12 дьиэ көтүрүллүөҕэ.

2020 сылга Дьокуускай куорат Промышленнай, Сайсары, Строительнай, Киин уокуруктарыгар 14 элбэх кыбартыыралаах дьиэ көтүрүлүннэ, быһа холоон 160 кыбартыыра. Билигин Пекарскай уул., 3 уонна Семен Данилов уул.,18, үлэ барар.

“Бу сылга 14 мөлүйүөн солкуобай көрүллүбүтэ. Сыл саҕаланыыта ыытыллыбыт куонкурус түмүгүнэн, бэдэрээтчитинэн “Якутдорстрой” тэрилтэ буолара быһаарыллыбыта”, – диэн кэпсээтэ Александр Новолоков.

Департамент дириэктэрэ иһитиннэрбитинэн, быйыл элбэх бас билээччи харчынан толуйууну талбыт.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...