12.10.2022 | 18:00

17-с кыбаарталга бастакы воркаут-балаһаакканы арыйдылар

Строительнай уокурук 17-с кыбаарталыгар бастакы воркаут-балаһаакканы арыйдылар диэн иһитиннэрдэ Олохтоох дьаһалта пресс-сулууспата.
17-с кыбаарталга бастакы воркаут-балаһаакканы арыйдылар
Ааптар: Киин Куорат

«Новинка» маҕаһыын аттыгар туруоруллубут воркаут-балаһаакканы уокурук олохтоохторугар предприниматель Дмитрий Шестаков бэлэхтээтэ. Бу иннинэ кини Дзержинскэй уулуссатыгар, урукку үлэ биржатын утары, спортивнай балаһаакканы туппута.

Воркаут аһыллыытыгар Строительнай уокурук Управатын салайааччыта Василий Рязанскай, Дьокуускай куораттааҕы Дуума Строительнай уокуруктан дьокутаата Феликс Романов, предприниматель Дмитрий Шестаков уонна 17-с кыбаартал көхтөөх олохтоохторо кытыннылар.

Строительнай уокурук Управатын салайааччыта Василий Рязанскай предприниматель Дмитрий Александрович Шестаковка Олохтоох дьаһалта аатыттан «Саха АССР 100 сыла» СӨ бочуоттаах үбүлүөйдээх бэлиэтин туттарда.

«Бу барыбытыгар, Строительнай уокурук олохтоохторугар, үөрүүлээх түгэн. 17-с кыбаартал территориятыгар наһаа үчүгэй бастакы  спортивнай эбийиэк тутулунна. Спордунан дьарыктаныы киһи сайдыытыгар дьоһун суолталаах. Манан тохтоон хаалбаппыт, күүспүтүн түмэн, уокурукпутугар спорду салгыы сайыннарыахпыт», - диэтэ Василий Рязанскай.

Дьокуускай куораттааҕы Дуума дьокутаата Феликс Романов куорат көхтөөх олохтоохторугар, предпринимателлэргэ уонна чуолаан Дмитрий Шестаковка чөл олоҕу пропагандалааһыҥҥа дьоһун кылаатын иһин махталын тириэртэ.

«Бу көҕүлээһин бары предпринимателлэргэ холобур буолан атын уокуруктарынан тарҕаныаҕа диэн эрэнэбин. Куорат нэһилиэнньэтин олоҕун тупсарыы – уопсай үлэбит», - диэн бэлиэтээтэ Феликс Романов.

Дмитрий Шестаков куоракка сибиэһэй салгыҥҥа спордунан дьарыктанар сир аҕыйаҕын, кэнники кэмҥэ куорат баһылыга Евгений Григорьев көҕүлээһининэн воркауттар элбээн эрэллэрин бэлиэтээтэ.

«17-с кыбаарталга маннык эбийиэк суох этэ, ол иһин, эдэр дьоҥҥо спордунан дьарыктанар кыах биэрээри, чопчу манна воркаут-балаһаакканы туруорарга быһаарбытым.  Билигин олохтоох ыччаты дьарыктанарга угуйуохха наада. Инники өттүгэр өссө биир балаһаакканы туруорар былааннаахпын», - диэтэ предприниматель.

Управа үлэһиттэрэ эппиттэринэн, манна спортивнай күрэхтэһиилэри ыытары былаанныыллар.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...