11.05.2023 | 13:49

13 №-дээх оскуола өрөмүөнэ график быһыытынан баран иһэр

13 №-дээх оскуола өрөмүөнэ график быһыытынан баран иһэр
Ааптар: Киин Куорат
Бөлөххө киир

Киин куорат 13 №-дээх оскуолата - быйыл хапытаалынай өрөмүөн ыытыллар үөрэх кыһаларыттан биирдэстэрэ.

Муус устар 3 күнүттэн бэдэрээтчит «Вертикаль» ХЭТ үлэтин саҕалаабыта. Өрөмүөн маҥнайгы күннэриттэн төрөппүттэр уонна оскуола кэлэктиибин сэбиэттэрэ үлэ хаамыытын хонтуруоллууллар. 

Оскуола дьаһалтата иһитиннэрэринэн, ыам ыйын 10 күнүнээҕи туругунан, үс этээскэ үһүөннэригэр эргэ плинтустары, муостаны, дьиэ үрдүн, бетон конструкциялары көтүрүү түмүктэммит. Маны сэргэ истиэнэлэри, дьиэ үрдүн тэҥнээн бүтэрбиттэр. Онон билигин номнуо үөһээ этээс көрүдүөрүгэр билиитэ ууруу, пластик түннүктэри туруоруу саҕаламмыт.
Дьиэ таһын оҥорор биригээдэ эмиэ көтүрүү үлэтин ортолоон, үргүлдьү саҥалыы фасады саайан саҕалаабыт. Хапытаалынай өрөмүөн иитинэн электропроводка, электроосвещение, канализация барыта саҥардыллар. Билигин саҥа полиэтилен турбалар, биметаллическэй  радиатордар туруорулла сылдьаллар. 


Аны күһүн оҕолору саҥалыы өрөмүөннэммит оскуола эрэ буолбакка, саҥа миэбэл күүтэр. Ол курдук бүгүҥҥү күҥҥэ миэбэл уонна туттар тэрил сорҕотун тутан олороллор: аактабай саалаҕа звуковой оборудование, уот-күөс, гардероб, кыргыттар технология уруогар тутталларыгар оверлок массыына, МФУ, проектор, монитор о.д.а., сорох тиэхиньикэ от ыйыгар күүтүллэр. 
Ити курдук үлэ атырдьах ыйын 10 күнүн эргин түмүктэнэригэр тутааччылар даҕаны, оскуола кэлэктиибэ даҕаны эрэллээхтэр, диэн иһитиннэрэр 13 №-дээх оскуола кэлэктиибэ бэйэтин телеграм-ханаалыгар (https://t.me/school13ykt/3075). 


Санатар буоллахха, дойду бэрэсидьиэнэ уонна «Биир ньыгыл Арассыыйа» партия өйөбүллэринэн ыытыллар үөрэх кыһаларын өрөмүөннүүр федеральнай бырагырааманан Дьокуускай куоракка быйыл 13 оскуолаҕа хапытаалынай өрөмүөн ыытыллар: 5, 7, 12, 13, 19, 24, 26, 29, 38 (икки здание) №№-дээх оскуолаларга, Дьокуускай куораттааҕы  национальнай гимназияҕа (ЯГНГ) уонна куорат таһынааҕы үс нэһилиэк оскуолаларыгар – Табаҕа, Хатас, Маҕан.
Оттон куорат баһылыга Евгений Григорьев бэлиэтээбитинэн, «маннык тэтиминэн үлэлээтэххэ, 2024 уонна 2025 сылларга куорат оскуолаларын бүтүннүү өрөмүөннүөхпүт».

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.