29.02.2024 | 15:25

124 учаастактааҕы быыбар хамыыһыйата Дьокуускайга дойду бэрэсидьиэнин быыбарыгар үлэлиэҕэ

124 учаастактааҕы быыбар хамыыһыйата Дьокуускайга дойду бэрэсидьиэнин быыбарыгар үлэлиэҕэ
Ааптар: Киин Куорат
Бөлөххө киир

Кулун тутар 17 күнүгэр дойдубут бэрэсидьиэнин быыбара буолаары турар. Киин быыбардыыр хамыыһыйатын быһаарыытынан, Арассыыйа бэрэсидьиэнин быыбара 2024 сылга үс күн ыытыллар кулун тутар 15, 16, 17 күннэригэр.

 

Дьокуускай куорат территориятааҕы быыбардыыр хамыыһыйата «Дьокуускай куорат» уонна «Жатай» куораттааҕы уокуруктарга быыбар ыытылларыгар эппиэтинэстээх. Ол курдук, куоластааһын күннэригэр уопсайа 124 учаастактааҕы быыбар хамыыһыйата уонна доруобуйа харыстабылын тэрилтэлэригэр икки быстах кэмнээх быыбардыыр хамыыһыйа үлэлиэхтэрэ.

 

Санатар буоллахха, 2024 сыл тохсунньу 29 күнүттэн пропискаттан атын аадырыстан куоластыырга сайабылыанньалары тутуу бара турар. Ол курдук, быыбар күннэригэр, кулун тутар 15, 16, 17 күннэригэр, регистрациялаах сирдэриттэн атын аадырыска баар буолар быыбардааччылар сайабылыанньа суруйан, атын аадырыс быыбардааччыларын испииһэгэр киириэхтэрин сөп.

Атын сиртэн куоластыыр туһунан сайабылыанньаны биэрэргэ билсэр аадырыстар:

Тохсунньу 29 күнүттэн кулун тутар 11 күнүгэр диэри Дьокуускайдааҕы быыбар хамыыһыйатыгар маннык аадырыстарынан:

Сайабылыанньаны тутар 1 №-дээх пуун — Ленин пр., 15, 1 этээс, Олохтоох дьаһалта дьиэтэ, «Пункт приема заявлений о голосовании по месту нахождения» кабинет (төл.:  8(4112)40-80-35);

Сайабылыанньаны тутар 2 №-дээх пуун — Михаил Николаев пр., 42 «а», 2-с этээс, «Емеян» киинэ тыйаатыра;

Сайабылыанньаны тутар 3 №-дээх пуун — Можайскай уул., 25, 1-кы этээс, Гагарин аатынан Аныгы искусство уонна култуура киинэ.

Үлэлиир бириэмэтэ:

- бэнидьиэнньиктэн бээтинсэҕэ диэри 9:00 - 19:00 чч. (эбиэккэ тохтобул  13:00 -14:00 чч.);

- өрөбүл уонна бырааһынньык күннэргэ (субуота, баскыһыанньа, кулун тутар 8 күнэ) — 10:00-14:00 чч.;

- бэнидиэнньиккэ, кулун тутар 11 күнүгэр — 9.00-14.00 чч.

Кулун тутар 6 11 күннэригэр ханнык баҕар быыбардыыр хамыыһыйаҕа.

Үлэлиир бириэмэтэ:

- кулун тутар 6 уонна 7 күннэрэ – сарсыарда 9:00 ч. киэһэ 18:00 ч. диэри (эбиэккэ тохтобул: 13:00-14:00 чч.);

- өрөбүл уонна бырааһынньык күннэргэ, кулун тутар 8, 9, 10 күннэригэр, ону кытта сайабылыанньаны тутар бүтэһик күҥҥэ (бэнидьиэнньик, кулун тутар 11 күнэ) – сарсыарда 10:00 ч. күнүс 14:00 ч. диэри.

Учаастактааҕы быыбар хамыыһыйаларын аадырыстарын Дьокуускайдааҕы быыбар хамыыһыйатын саайтыгар билсиэххэ сөп:  https://yagtik.ru/.

3) «Мин докумуоннарым» судаарыстыбаннай уонна муниципальнай өҥөлөр кииннэригэр уонна офистарыгар тохсунньу 29 күнүттэн кулун тутар 11 күнүгэр диэри «Мин докумуоннарым» үлэлиир чааһынан.

4) электроннай көрүҥүнэн ГОСУСЛУГИ (тус кабинет) портал нөҥүө тохсунньу 29 күнүттэн кулун тутар 11 күнүгэр диэри.

Атын сиртэн куоластыыр туһунан сайабылыанньаны биэрэргэ гражданинтан пааспар (оригинала) эбэтэр пааспары солбуйар атын докумуон ирдэнэр.

Олунньу 17 күнүттэн кулун тутан 7 күнүгэр диэри Арассыыйа бэрэсидьиэнин быыбарын туһунан нэһилиэнньэҕэ иһитиннэрэр сыаллаах учаастактааҕы быыбар хамыыһыйаларын чилиэннэрэ Дьокуукай куорат, чугастааҕы нэһилиэктэр, Жатай олохтоохторун дьиэлэринэн сылдьан анкета толортороллор.

Быыбар хамыыһыйатын чилиэнин анал экипировканан билиэххэ сөп: накидка, түөскэ иилиллэр бэлиэ, бэрэсидьиэн быыбара символикалаах суумка, «Информ УИК» мобильнай сыһыарыылаах планшет, УИК чилиэнэ буоларын туоһулуур дастабырыанньа уонна бейдж.

 

Дойду бэрэсидьиэнин быыбарыгар уонна «ИнформУИК» бырайыакка сыһыаннаах бары ыйытыыларынан билсэр төлөпүөннэр: 8(4112) 40-80-97, 40-80-35, диэн иһитиннэрэр Дьокуускайдааҕы быыбар хамыыһыйата.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...