1000-тан тахса сайаапка киирдэ

Сэтинньи 7 күнүгэр Дьокуускай дьаһалтатыгар Байыаннай дьайыы кыттыылаахтарын уонна кинилэр дьиэ кэргэттэрин өйүүр Координационнай ыстаап мунньаҕа буолан ааста.

Мобилизацияламмыт дьон дьиэ кэргэттэрин өйүүр киин тэриллиэҕиттэн тыһыынчаттан тахса сайаапка киирбит. Дьон үксүн кирэдьиит сынньалаҥын, бириистэптэргэ иэс үөскээһинин уонна социальнай гаастааһын туһунан ыйыталлар.

Баһылык Евгений Григорьев дьон кыһалҕатын кэмигэр быһааран иһэргэ Суут бириистэптэрин федеральнай сулууспаларын, бааннар салайааччыларын кытта мобилизацияламмыт дьон дьиэ кэргэттэрин көрүһүннэрэн мунньахтыырга сорук туруорда.

Маны тэҥэ баһылык куорат салалтата көмөҕө наадыйар мобилизацияламмыт дьон дьиэ кэргэттэригэр, ханна пропискалаахтарыттан тутулуга суох, өйөбүл буоларга ыҥырда.

"Биһиги инникитин өссө элбэҕи оҥоруохтаахпыт. Дьоҥҥо өйөбүл буолар ыстаабы тэрийбит уонна үлэлэтэр дьоҥҥо махтал. Үлэ дьоҥҥо наадалааҕа көһүннэ, тэтиммитин ыһыктыбакка баран иһиэххэ", – диэн ыҥырда Евгений Григорьев.