13.11.2023 | 18:00

«Звезднай» дьоҕус оройуоҥҥа 7 саҥа дьиэ үлэҕэ киириэҕэ

Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрбитинэн, быйылгы сыл бүтүөр диэри «Звезднай» дьоҕус оройуоҥҥа хаарбах туруктаах дьиэттэн көһөрүү бырагырааматынан 7 саҥа дьиэ үлэҕэ киириэҕэ.
«Звезднай» дьоҕус оройуоҥҥа 7 саҥа дьиэ үлэҕэ киириэҕэ
Ааптар: Киин Куорат
Бөлөххө киир

Гражданнары хаарбах туруктаах дьиэттэн көһөрүү бырагыраамата «Олорор дьиэ уонна куорат эйгэтэ» дойду бэрэсидьиэнин национальнай бырайыагын чэрчитинэн үлэлиир. Өрөспүүбүлүкэ бастакы вице-премьера Дмитрий Садовников Дьокуускайга тутулла турар эбийиэктэргэ сырытта, тутуу хаамыытын көрдө-иһиттэ. Ол курдук, кини «Звезднай» дьоҕус оройуон дьиэлэрин  инженернэй инфраструктураҕа  холбооһуну тэтимирдэргэ сорудахтаата.

«Бүгүҥҥү күҥҥэ дьиэлэр тас оҥоһуулара көхтөөх тэтиминэн ыытыллар. Бэдэрээтчиттэр дьиэ иһинээҕи үлэни оҥорон бу ыйдарга бүтэрэллэрин курдук, сэтинньи 20 күнүгэр диэри,  быстах кэмнээх схеманан ДСК хочуолунайыгар холбонон, ититиини биэрэллэрэ ирдэнэр. Дьиэлэр сыл бүтэһигэр үлэҕэ киириэхтэрэ, 2024 сыл сааһыгар бастакы ыаллар көһүөхтэрэ», - диэтэ Садовников.

Быйыл үлэҕэ киириэхтээх 7 дьиэ саҥа «С» секторга тутулла тураллар, уопсай иэннэрэ – 45 тыһыынча квадратнай  миэтэрэттэн тахса. Саҥа дьиэлэргэ куорат олохтоохторо эрэ буолбакка, өрөспүүбүлүкэ улуустарын хаарбах туруктаах дьиэлэриттэн кытта көһөн кэлиэхтэрэ. «С» секторга уопсайа 59 тыһыынча квадратнай миэтэрэлээх 10 дьиэ тутуллуоҕа, итинтэн үһэ эһиил, 2024 сылга, үлэҕэ киириэҕэ.

Олорор дьиэ тутуутун сэргэ «Звезднайга» социальнай эбийиэктэри туталлар. Кэлэр сылга бэрэсидьиэн «Демография» национальнай бырайыагын чэрчитинэн сабыылаах каток үлэҕэ киириэҕэ. Билиҥҥи туругунан эбийиэк бэлэмэ – 25%.  Итини таһынан, саҥа хочуолунай тутулла турар. Сотору кэминэн 315 миэстэлээх оҕо уһуйаанын тутуута саҕаланыаҕа, 990 миэстэлээх оскуола уонна күҥҥэ 600 киһини көрөр поликлиника былааҥҥа бааллар.

Өрөспүүбүлүкэҕэ 2019 сылтан 2025 сылга диэри 61 тыһыынчаттан тахса киһи көһөрүллүөхтээх, 1,1 мөлүйүөн квадратнай  миэтэрэттэн тахса хаарбах туруктаах дьиэ көтүрүллүөхтээх.

Итини таһынан, Дмитрий Садовников «Доруобуйа харыстабыла» национальнай бырайыак чэрчитинэн ыытыллар онкодиспансер тутуутун бэрэбиэркэлээтэ. Билиҥҥи туругунан эбийиэк бэлэмэ – 90%-тан тахса, сыл бүтэһигэр үлэҕэ киириэхтээх.

Бастакы вице-премьер сакаасчытка уонна бэдэрээтчиккэ иһинээҕи үлэни оҥорооччулар ахсааннарын элбэтэргэ сорудахтаата. Билиҥҥи туругунан, сүрүн медицинскэй тэрил 70%-на туруорулунна, ол иһигэр  көмпүүтэринэн үлэлиир томограф, рентген аппараата, ангиограф, сууйар-стерилизациялыыр тэрил уо.д.а.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...