11.08.2022 | 12:00

Зондировщик-сөмөлүөт үлэтэ үтүө түмүктэрдээх

Быйыл Саха сиригэр былырыыҥҥытааҕар үс төгүл аҕыйах баһаар регистрацияланна. Баһаардары түргэнник умуруорарга сүрүннээх үлэ, эбии федеральнай үбүлээһин уонна авиация көмөтө төһүү күүһүнэн буолла.
Зондировщик-сөмөлүөт үлэтэ үтүө түмүктэрдээх
Ааптар: Киин Куорат
Бөлөххө киир

Киин аэрологическай обсерватория (Росгидромет) зондировщик-сөмөлүөттэрэ Саха сиригэр ыам ыйыттан үлэлээтилэр. Үс ый иһигэр сөмөлүөттэр өрөспүүбүлүкэ оройуоннарыгар уопсайа 26 төгүл көттүлэр. Як-42Д сөмөлүөт Уус Маайа улууһугар бүтэһик көтүүнү оҥордо.

СӨ Бырабыыталыстыбатын бэрэссэдээтэлин 1-кы солбуйааччы Дмитрий Садовников сөмөлүөт экипаһыгар үлэлэрин этэҥҥэ толорбуттарын иһин бырабыыталыстыба наҕараадаларын туттартаата. Кини искусственнай ардаҕы ыҥырыы эспэримиэнэ эһиил салгыы ыытылларын бэлиэтээтэ. «Ойуур баһаардара үөскүүр, турар кутталлаах таһымнарын (кылаастарын) намтатыы үлэтэ үчүгэй өрүттээҕэ көһүннэ диэн сыаналыыбыт. Ил Дархан Айсен Николаев тустаах үлэ эһиил салгыы ыытылларыгар сорудахтаата», - диэтэ Дмитрий Садовников.

Киин аэрологическай обсерватория салаатын начаалынньыга, бөлөх салайааччыта Баграт Данелян быйыл искусственнай ардаҕы түһэрии ыытыллан ойуур баһаардара аҕыйаабыттарын бэлиэтээтэ.  «Маннык эспэримиэни көҕүлээн тэрийбиккитигэр өрөспүүбүлүкэ салалтатыгар махтанабын.  Искусственнай ардаҕы ыҥырыы түмүгэр уот туруута лаппа аҕыйаата. Атын регионнарга тустаах үлэ ыытыллыбатах буолан ойуур баһаардара элбэхтэр диэххэ наада», - диэтэ Баграт Данелян.

Ойуур баһаардарын утары зондировщик-сөмөлүөттэри туһаныы өрөспүүбүлүкэҕэ саҥа уонна туһалаах хайысханан буолла.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.