03.08.2021 | 10:56

Зондировщик-сөмөлүөт Өлүөхүмэ оройуонугар ардаҕы түһэрдэ

Зондировщик-сөмөлүөт Өлүөхүмэ оройуонугар ардаҕы түһэрдэ
Ааптар: Киин Куорат

Саха сиригэр ойуур баһаардарын кытта сибээстээх балаһыанньа уустук – өрөспүүбүлүкэ территориятыгар 171 ойуур баһаара баар, суукка иһигэр уон биир баһаары бохсуппуттар, аҕыһы умуруорбуттар. Кураан уонна тыаллаах күн-дьыл туран аны өссө уон биэс баһаар эбиллибит. 
СӨ бырабыыталыстыбатын бэрэссэдээтэлин бастакы солбуйааччы Дмитрий Садовников баһаарга авиация үлэлиирин, бэҕэһээ зондировщик-сөмөлүөт Өлүөхүмэ оройуонугар ардаҕы түһэрбитин туһунан иһитиннэрдэ. Бүгүн сөмөлүөт салгыы Өлүөхүмэҕэ уонна сатаннаҕына Хаҥалас улууһугар ардаҕы түһэриэ. Дмитрий Садовников, суһал дааннайдарынан, Саха сирин территориятыгар 171 лесной ойуур баһаара баарын, олортон 58-һы 2402 киһи, 301 тиэхиньикэ умуруора сылдьалларын эттэ. Кини суукка иһигэр уон биир баһаары бохсуппуттарын, аҕыһы умуруорбуттарын, ол эрэн кураан уонна тыаллаах күн-дьыл туран аны өссө уон биэс баһаар эбиллибитин бэлиэтээтэ. 
Авиация Кэбээйи уонна Хаҥалас улуустарыгар үлэлээбит, Хаҥалас уонна Уус-Алдан улуустарыгар ууну куппут, баһаарга үлэлиир дьону таспыт. БЕ-200 уонна Ил-76 буруонан сибээстээн көрөөһүн мөлтөөн үлэлээбэтэхтэр. 
Суһал штаб ураты хонтуруолугар биэс улуус нэһилиэнньэлээх пууннара сылдьаллар – Горнай, Уус-Алдан, Нам, Үөһээ Бүлүү уонна Кэбээйи. Уустук быһыы-майгы Уус-Алдан улууһун Кылайы, Үөһээ Бүлүү Далыр, Кэбээйи улууһун Ситтэ уонна Кэбээйи нэһилиэнньэлээх пууннарын таһыгар үөскээбит. Чугастааҕы сирдэртэн көмөҕө тиэхиньикэ барбыт, баһаары умуруоруу уонна нэһилиэнньэлээх пууннары харабыллааһын ыытыллар. 
Баҕа өттүлэринэн баһаары умуорааччылар штабтара этэрээттэри тэрийэн Кэбээйи уонна Горнай улуустарыгар ыыттылар. Дмитрий Садовников бэлиэтээбитинэн, Саха сиригэр балаһыанньа уустугунан хаалар. Ил Дархан бүгүн Мирнэй оройуонугар үлэлиир.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Тамара Верховцева: «Куһаҕаны, үчүгэйи барытын кэпсиибин»
Дьон | 14.09.2021 | 13:30
Тамара Верховцева: «Куһаҕаны, үчүгэйи барытын кэпсиибин»
Хаһыаппытыгар дөрүн-дөрүн ураты дьоҕурдаах, айдарыылаах дьону тиһигин быспакка сырдатабыт. Манна даҕатан эттэххэ, кинилэр бэйэлэрин талааннарын кэмэ кэллэҕинэ эрэ биирдэ кэпсииллэр. Бүгүҥҥү дьоруойбун кытта бу кыһын кэпсэтиэхтээх этибит да, кэмэ илик буолан, соннук хаалан хаалбыта. Тамара Прокопьевна Верхоцевалыын төлөпүөнүнэн сэһэргэстим. - Дорообо! Саха дьонун сиэринэн кэпсэтиибитин бэйэҕин билиһиннэрииттэн саҕалыахха... - Үөһээ...
Түргэн сокуускалар
Тускар туһан | 12.09.2021 | 09:00
Түргэн сокуускалар
Сорох бырааһынньыкка, араас фуршеттарга ол-бу канапелар, рулеттар, тарталеткалар “былааһы ылаллар”. Маннык түргэн сокуускалары киһи дьиэҕэ да астаныан сөп. Иһиккит көрүөх бэтэрээ өттүгэр кураанахтаммыта эрэ баар буолуо.   Лаваштан рулет Туох наадата: лаваш – 1 устуука, туустаах оҕурсу – 3 устуука, кытаанах сыыр – 75 г, сымыыт – 3 устуука, куурусса...