23.11.2021 | 11:30

«Зима начинается с Якутии» бэстибээл онлайн көрүҥүнэн ыытыллыаҕа

«Зима начинается с Якутии» бэстибээл онлайн көрүҥүнэн ыытыллыаҕа
Ааптар: Киин Куорат

Сылын аайы ыытыллар  «Зима начинается с Якутии» кырыа кыһын, ирбэт тоҥ, тымныы уонна хотугу ыалдьытымсах буолуу өрөспүүбүлүкэтээҕи бэстибээлэ онлайн көрүҥүнэн ыытыллыаҕа.  Тэрийээччилэр – предпринимательство, атыы уонна туризм Министиэристибэтэ,  Дьокуускай куорат Уокуруктааҕы дьаһалтата, СӨ ыалдьытымсах буолууга Ассоциацията.
Бэстибээл чэрчитинэн ахсынньы 1 күнүгэр Ленин уонна Орджоникидзе болуоссаттарыгар саҥа дьыллааҕы харыйалары «уматыы» үөрүүлээх сиэрэ-туома ыытыллыаҕа.  Итини сэргэ ити күн Дьокуускай куорат уонна Евпатория муниципальнай тэрээһиннэрин икки ардыларыгар бииргэ үлэлээһин уонна бырааттыы сыһыаннары бөҕөргөтүү боротокуолун чэрчитинэн «Северная снежинка» эстафетаны биир дойдулаахтар бэрэстэбиитэллэригэр биэрии буолуоҕа. 
Сэтинньи 27 күнүттэн ахсынньы 2 күнүгэр диэри Орджоникидзе болуоссатыгар уонна 202-с дьоҕус оройуоҥҥа баар «Северное сияние» пааркаҕа «Бриллианты Якутии» диэн муус уонна хаар оҥоһуктар куонкурустара биллиилээх уонна саҥа саҕалааччы скульптордар ортолоругар ыытыллыаҕа. 
«Вкус Якутии» гастрономическай бэстибээл чэрчитинэн киин куорат бастыҥ рестораннара саха национальнай астарын аныгылыы көрдөрүөхтэрэ. Туспа былаанынан шеф-повардар маастар-кылаастара ыытыллыаҕа, национальнай бүлүүдэлэри амсатыы буолуоҕа. 
Өрөспүүбүлүкэтээҕи бэстибээл тэрийээччилэрэ үгэс буолбут муҥханы ыытары былаанныыллар. Ол курдук ыалдьыттар Хаҥалас оройуонун Улахан Аан сэлиэнньэтигэр Амчаах диэн сиргэ сылдьыахтара. 
Сэтинньи 27 күнүттэн ахсынньы 1 күнүгэр диэри тэрийэээччилэр «Тойон Балык» хаартыска куонкуруһугар кыттарга ыҥыраллар. Куонкурус Instagram @upravlenie_cultury_yakutsk платформаҕа ыытыллар. 
Ахсынньы 5 күнүгэр Instagram @upravlenie_cultury_yakutsk платформаҕа «Строганина» хаартысканан куонкурус ыытыллыаҕа. 
Бэстибээл чэрчитинэн өрөспүүбүлүкэ олохтоохторун айар талааннарын арыйар тэрээһиннэр былааннаммыттар. Ол курдук, маастардар «Тепло якутской Зимы» Саха сирин норуоттарын кыһыҥҥы төрүт таҥастарын хаартысканан күрэҕэр, «Бал снежной долины» авторскай куукула бэстибээл-быыстапкатыгар кыттыахтарын сөп. Бэлиэтээн эттэххэ, «Симэх» галерея быыстапкаҕа бастыҥ куукула оҥорооччу маастардар үлэлэрин киэҥ араҥаҕа таһаарыаҕа. Онлайн-быыстапка кыттыылаахтарын куукула аптаах эйгэтин кытта көрсүһүү күүтэр. Итини сэргэ, сэтинньи 27 күнүттэн ахсынньы 1 күнүгэр диэри «Серебряная чешуя» норуот маастардарын быыстапката буолуоҕа.
Ахсынньы 1 күнүгэр «Arctic Fashion Show-2021» саха дизайнердарын кэллиэксийэлэрин көрдөрүүтэ ыытыллыаҕа. Манна биллиилээх модельердар уонна саҥа саҕалааччылар үлэлэрэ баар буолуохтара. 
Өрөспүүбүлүкэтээҕи бэстибээл чэрчитинэн «Зимняя сказка» айар куонкурус, саҥа дьыллааҕы харыйа оонньуурдарын авторскай оҥоһуктара, быыстапкалар, маастар-кылаастар, саха норуотун остуоруйаларынан мультимедийнай бырайыак ыытыллыахтара. 
Ахсынньы 1-4 күннэригэр онлайн көрүҥүнэн «Традиции и современность в искусстве народных художественных промыслов и ремесел народов Крайнего Севера, Дальнего Востока и Сибири» III Регионнар икки ардыларынааҕы научнай-практическай конференция буолар.
Сэтинньи 22-26 күннэригэр «Славим дружбой и трудом край Олонхо!» СӨ үлэ кэлэктииптэрин уус-уран айымньыларын IV бэстибээлин сүүмэрдиир түһүмэҕэ уонна гала-кэнсиэрэ ыытыллар. 
Итини сэргэ талаан уонна кэрэ буолуу алтынньы 25 күнүгэр ыытыллыбыт дистанционнай куонкурустарын түмүктэрэ тахсар. Ити –  «Хаарчаана Куо-2021» кыргыттар VI Аһаҕас өрөспүүбүлүкэтээҕи куонкурустара,  «Бриллиантовые нотки» оҕо айар кэлэктииптэрин куонкуруһа, норуоттар икки ардыларынааҕы оҕо уонна улахан дьон айар кэлэктииптэрин бэстибээлэ. 
 «Зима начинается с Якутии» бэстибээл бырагырааматын кытта сиһилии култуура уонна духуобунай сайдыы Управлениетын саайтыгар www.cultura14.ru уонна инстаграм-аккауҥҥа @upravlenie_cultury_yakutsk билсиэххитин сөп.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...