«Забота» саҥа сервис үлэлиир

 Е-yakutia судаарыстыбаннай уонна муниципальнай өҥөлөр регионнааҕы порталларыгар «Забота» байыаннай сулууспалаах дьиэ кэргэнин пааспара» саҥа сервис үлэлээтэ диэн CӨ Баһылыгын уонна Бырабыыталыстыбатын пресс-сулууспата иһитиннэрдэ.

Сервис көмө 58 араас миэрэлэрин ситимниир.

 «Сервис икки компонентан турар. Бастакыта – интерактивнай «Байыаннай сулууспалаах дьиэ кэргэнин өйүүр миэрэлэргэ көмөлөһөөччү» диэн, кини дьиэ кэргэн туох көмөнү ылыан сөбүн туһунан чопчу билэр», - диэтэ МФЦ Саха Өрөспүүбүлүкэтигэр салайааччыта Таисия Батуева.  

Иккис компонент хас да ыйытыылаах «опросниктан» турар, ол көмөтүнэн байыаннай сулууспалаахтар дьиэ кэргэттэрэ өйөбүл атын ханнык миэрэлэригэр наадыйалларын чопчулуохтара.

«Забота» байыаннай сулууспалаах дьиэ кэргэнин пааспара» сервиһинэн туһанарга, Судаарыстыбаннай өҥөлөргө регистрацияланан баран, e-yakutia.ru порталга киириллэр. Сервис портал сүрүн сирэйин баннерыгар баар. «Сервиһи өссө «Помощник» уонна  «Забота» диэн тылларынан көрдөөн булуохха сөп», - диэтэ МФЦ салайааччыта.