10.08.2022 | 12:00

Ый саҕаланыаҕыттан 100-тэн тахса ойуур баһаарын умуруордулар

Атырдьах ыйын саҥатыгар өрөспүүбүлүкэҕэ 100-тэн тахса ойуур баһаара баар этэ, билиҥҥи туругунан итинтэн 39 хаалла. Уопсайа 104 421.4 га иэннээх сиргэ 138 ойуур баһаара умуруорулунна диэн иһитиннэрдэ Саха сирин экологияҕа министиэристибэтэ.
Ый саҕаланыаҕыттан 100-тэн тахса ойуур баһаарын умуруордулар
Ааптар: Киин Куорат
Бөлөххө киир

Баһаардары түргэнник умуруорарга баһаары кытта охсуһууга көрүллүбүт күүс уонна сириэстибэ эбиллибитэ төһүү күүһүнэн буолла. Итиэннэ бу күннэргэ өрөспүүбүлүкэҕэ элбэхтик ардаабыта абыраата. Саха сирин федеральнай суолталаах ойуурдарыгар, ыксаллаах быһыы-майгы чэрчитинэн, Хабаровскай, Забайкальскай, Красноярскай кыраайдартан уонна Бурятияттан «Авиалесоохрана» тэрилтэ резервэтэ үлэлиир.

"Баһаардары кытта охсуһууга регионнааҕы «Авиалесоохрана», «Якутлесресурс»,  Арассыыйатааҕы ЫБММ Саха сиринээҕи салаата, Быыһыыр уонна Судаарыстыбаннай баһаары утары сулууспалар үлэлииллэр. Умайыы саамай үрдүк кэмигэр умуруорууга биир тыһыынчаттан тахса киһи кытынна. Билиҥҥи туругунан 689 киһи үлэлиир", -диэн этиллэр иһитиннэриигэ.

Сүрүн күүс Уус Майа улууһугар быраҕылынна, итиннэ ордук уустук балаһыанньа үөскээн турар, атырдьах ыйын 9 күнүнээҕи туругунан  18 баһаар баар. Баһаары кытта 469 киһи уонна 10 тиэхиньикэ охсуһар, итиэннэ авиация үлэлэһэр.

Саха сирин федеральнай суолталаах ойуурдарыгар ыксаллаах быһыы-майгы эрэсиимэ салҕанар. Итиннэ Алдан, Үөһээ Бүлүү, Ньурба, Орто Халыма уонна Уус Майа улуустара киирэллэр. Оттон муниципальнай таһымнаах эрэсиим, улуустарга балаһыанньа көммүтүнэн сибээстээн, тохтотулунна диэн иһитиннэрдэ экология миниистирин солбуйааччы Андрей Коноплев. Ол курдук, бу күннэргэ ыксаллаах быһыы-майгы эрэсиимэ Мииринэй, Нерюнгри уонна Таатта оройуоннарыгар уһулунна.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.