19.11.2021 | 14:37

Юрий Трутнев Бэс Күөлгэ сырытта

Юрий Трутнев Бэс Күөлгэ сырытта
Ааптар: Киин Куорат

Сэтинньи 18 күнүгэр РФ бырабыыталыстыбатын бэрэссэдээтэлин солбуйааччы, Уһук Илиҥҥи уокурукка бэрэсидьиэн боломуочунай бэрэстэбиитэлэ Юрий Трутнев уонна СӨ Ил Дархана Айсен Николаев, Горнай улууһун Бэс Күөл нэһилиэгэр сылдьан баһаартан эмсэҕэлээбит бөһүөлэк олохтоохторун кытта көрүстүлэр, тутуллубут дьиэ-уот усулуобуйатын, хаачыстыбатын сыаналаатылар. 
“Кылаабынайа олохтоохтор тутууларынан астыммыттар. Туох эбит кыра итэҕэс баар дуо диэн ыйыппыппар, эдэр хаһаайка «Туох баар буолуой? Барыта этэҥҥэ, үчүгэй» диэн үөртэ. Атырдьах ыйыгар манна күл-көмөр ортотугар турдахпытына, аны икки ыйынан тымныылар түһүөхтэрин иннинэ, итиччэ түргэнник бачча үчүгэй, элбэх дьиэни тутар уустук курдук этэ. Билигин урут турбут дьиэлэр оннуларыгар 34 саҥа дьиэ турар! Тутуулары үбүлээбит «Алроса» уонна «Роснефть» хампаанньаларга махталбын тиэрдэбин. Бөһүөлэк толору чөлүгэр түстэ диир кыахтаахпыт. Билигин өссө саҥа оскуола уонна сынньанар киин тутуллуохтаах. Федеральнай кииҥҥэ үлэлиир кэллиэгэлэрбитин үлэни кэмигэр толороллорун курдук тиэтэтиэхпит. Улахан тымныылар түһэ иликтэринэ дьон этэҥҥэ кыстыкка киирдилэр”, – диэтэ Юрий Трутнев
Бэс Күөл олохтоохторо бары дьиэлэринэн, олорор усулуобуйаларынан астыналларын эттилэр. 
«2022 сыллаах ойуур баһаардарыгар биһиги билиҥҥиттэн бэлэмнэниэхтээхпит. Махтаныам этэ дойду бэрэсидьиэнэ Владимир Путиҥҥа уонна РФ Уһук Илин уокуругар бэрэсидьиэн боломуочунай бэрэстэбиитэлэ Юрий Трутневка. Кинилэр дьаһалларын түмүгэр биһиэхэ ойуур баһаардарын умулларыыга көрүллэр үбүлээһин хас да төгүл улаатта. Билиҥҥиттэн саҥа тиэхинньикэ, туттар тэрил атыылаһан, авиадесант штатын хаҥатан кэлэр сыл баһаардарыгар эрдэттэн бэлэм сылдьыахтаахпыт. Сааскыттан ойуур баһаардарын эрдэттэн бохсор, сэрэтэр киэҥ далааһыннаах үлэлэри ыытыахтаахпыт. Сайын кураан түһэр кэмигэр, ойуур уотун утары туох баар күүһү мунньан көрсүөхтээхпит» – диэтэ Айсен Николаев.

Сонуннар

Ордук ааҕаллар

Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...
Уһааттаах дьордьомоһуттар
Тускар туһан | 21.11.2021 | 11:00
Уһааттаах дьордьомоһуттар
Ааҕааччыларбар тиэрдиэхпин баҕарар кэпсээним 1990-1991 сылларга буолбута. Оччолорго Сойуус баар, сопхуостар тигинэччи үлэлии тураллар, дьон-сэргэ этэҥҥэ олорор, астаах-таҥастаах кэмэ.  Кэргэним суоппар идэлээх, сопхуос “Урал” лесовоз массыынатыгар үлэлиир, мин бастакы уол оҕобор олоробун. Атырдьах ыйа этэ. Дьон өрөбүл аайы, үлэлэриттэн быыс-арыт булан, бары сир астыыллар. Билиҥҥи курдук тыаҕа тахсан ыалларгын, илин-арҕаа...
Эһэ ытыырын көрбүтүм...
Тускар туһан | 21.11.2021 | 12:00
Эһэ ытыырын көрбүтүм...
Бу түбэлтэ туһунан ааспыт үйэ 80-с сылларын саҥатыгар кырдьаҕас булчуттан истэн турардаахпын. Баһылай диэн ааттаах кырдьаҕас оччолорго 70-ун ааспыт этэ, мин 30-чалааҕым. Сэтинньи ыйга уоппуска ылан дэриэбинэттэн уонтан тахса көстөөх сиргэ атынан бултуу таҕыстыбыт. Үүтээммитигэр ортотугар хонон тиийдибит. Айаннаан иһэн булт суолун арааһын көрдүбүт. Тайах суола хас үрүйэ, үрэх аайы...