22.02.2023 | 15:00

«ЮНАРМИЯ» кэккэтин 52 үөрэнээччи хаҥатта

«ЮНАРМИЯ» кэккэтин 52 үөрэнээччи хаҥатта
Ааптар: Киин Куорат
Бөлөххө киир

Аҕа дойдуну көмүскээччилэр күннэрин көрсө «Арассыыйа – мин историям» музейга киин куорат эдэр олохтоохторун «ЮНАРМИЯ» Бүтүн Арассыыйатааҕы оҕо-ыччат байыаннай-патриотическай уопсастыбаннай хамсааһын  кэккэтигэр киллэрии үөрүүлээх быһыыга-майгыга ыытылынна.

 Үөрүүлээх тэрээһиҥҥэ М. И. Кершенгольц аатынан 9-с, итиэннэ  13-с, 32-с №-дээх орто оскуолалар үөрэнээччилэрэ уонна куораттааҕы Оҕо киинин иитиллээччилэрэ кытыннылар.

Юнармеецтар кэккэлэригэр киирбиттэринэн үөрэнээччилэри куорат баһылыгын солбуйааччы Владимир Аржаков эҕэрдэлээтэ.

«Юнармеецтар – дойду патриоттара, дьиҥнээх патриоттар – билиҥҥи кэмҥэ бигэтик өйдөөн төрөөбүт куораттарын, өрөспүүбүлүкэлэрин уонна дойдуларын иһин эппиэтинэһи сүгэргэ бэлэм дьон. Билигин дьиҥнээх патриоттарынан анал байыаннай эпэрээссийэ кыттыылаахтарын ааттыыбыт. Күн бүгүн байыаннай-патриотическай иитии үөрэтэр-иитэр тэрилтэлэр сүрүн хайысхалара буолла», - диэн бэлиэтээтэ Владимир Аржаков.

«ЮНАРМИЯ» түөскэ анньынар бэлиэлэрин уонна тус киниискэлэрин үөрэнээччилэргэ полиция полковнига Лена Иванова, Дьокуускай куорат байыаннай комиссариатын салаатын начаалынньыгын көмөлөһөөччүтэ Сергей Кириллин, «Юные карбышевцы» хамсааһын киин штабын начаалынньыга, анал байыаннай эпэрээссийэ кыттыылааҕа Анатолий Храмов уонна Эрсан Андреев туттардылар.

Санатар буоллахха, 2022 сыл балаҕан ыйын 23 күнүгэр өрөспүүбүлүкэҕэ аан бастакы элбэх хайысхалаах Юнармеецтары бэлэмниир киин арыллыбыта. «ЮНАРМИЯ» бүгүн – оҕо уонна ыччат тэрилтэлэрин үтүө үгэстэрин сөргүтүү. Билиҥҥи кэмҥэ «ЮНАРМИЯ» Дьокуускайга 600-тэн тахса кыттааччылаах. 

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...