13.09.2020 | 06:09

Ытыктабыллаах киин куораппыт ытык-мааны олохтоохторо, күндү ыалдьыттар!

Ытыктабыллаах киин куораппыт ытык-мааны олохтоохторо, күндү ыалдьыттар!
Ааптар: Киин Куорат

Дьокуускай куорат олохтоох дьаһалтатын аатыттан Киин куораппыт төрөөбүт күнүнэн эҕэрдэлиибин! Биһиги Дьокуускайбыт –  Уһук Илин эҥээргэ биир кырдьаҕас куорат – 388 сааһын туолла. Ол эрээри Дьокуускай ыччата, устудьуона, ыал буолуу, оҕо төрөөһүнэ элбэх буолан, олохтооҕун орто сааһа баара-суоҕа 32 саас, онон олус эдэр, үүнэр-сайдар кэскиллээх куорат.

Күн бүгүн биһиги куораппытыгар өрөспүүбүлүкэ нэһилиэнньэтин үс гыммыттан ордуга олорор. Түөрт үйэ кэриҥнээх кырдьаҕас куораты аныгы көлүөнэ дьоно сайыннарар, тупсарар, аатырдар – архитектордар, тутааччылар, учууталлар, быраастар, учуонайдар, искусство үлэһиттэрэ, предпринимателлэр, тыа хаһаайыстыбатын бородууксуйатын оҥорон таһаарааччылар, оробуочайдар. Кинилэр хас биирдиилэрэ, урукку көлүөнэ уопутугар, билиитигэр тирэҕирэн, тапталлаах куораппыт сайдыытыгар бэйэлэрин кылааттарын киллэрэллэр.

Дьокуускай – үйэлээх үгэстэрдээх, баай историялаах куорат. Биһиги куораппытын өрөспүүбүлүкэ таһыттан, улуустартан кытта сөбүлээн, араас элбэх омуктар олохсуйа кэлэллэр. Бэйэ-бэйэҕэ көмөлөсүһэн, сомоҕолоһон, ыарахаттартан чаҕыйбакка, сыалбытын-сорукпутун ситиһэргэ дьулуһабыт.

Биһиги олорор дьиэ тутабыт, социальнай эбийиэктэри дьэндэтэбит, саҥа суоллары оҥоробут, уулуссалар сырдык буолалларыгар үлэлэһэбит, ыччат сынньанар, сайдар усулуобуйатын тэрийэ сатыыбыт. 2019 сыллаахха суол уонна дьиэ тутуутугар хаһан да ситиһиллибэтэх кирбиини ылбыппыт. Быйылгы 2020 сылга ол тэтими ыһыктыбат туһугар кыһаллабыт.

Биллэн турар, кыһалҕа барыта баҕа хоту быһаарыллан испэт: оскуола, оҕо уһуйаана тиийбэт, эргэ дьиэлэри көтүрэн, нэһилиэнньэни үчүгэй дьиэнэн, усулуобуйанан хааччыйар баҕа баһаам.  Онуоха барытыгар кыах да тиийбэт, үп да кырыымчык. Ол эрээри биһиги эрэлбитин ыһыктыбаппыт, бэйэбитигэр ирдэбилбитин күүһүрдэн эрэ иһэбит.

Быйыл биллэриллибит Көлүөнэлэр сылларыгар, Улуу Кыайыы 75 үбүлүөйдээх сылыгар махтал ураты тылларын ытык кырдьаҕастарбытыгар – сэрии, тыыл, үлэ бэтэрээннэригэр, блокада кыттыылаахтарыгар, концлааҕырдар хаайыылаахтарыгар, сэрии кэмин оҕолоругар этиэхпин баҕарабын. Сиртэн халлааҥҥа диэри сүгүрүйэбин!

Күндү Дьокуускай куорат олохтоохторо! Ис сүрэхпиттэн эһиэхэ чиҥ доруобуйаны, ситиһиилэри, тус олоххутугар үөрүүнү, дьолу баҕарабын.

Бырааһынньыгынан!

Төрөөбүт күҥҥүнэн, дьоллоох Дьокуускай куораппыт!

Куорат баһылыга Сардана Авксентьева

Сонуннар

Ордук ааҕаллар

Кириэмили кытта хамсатан...
Спорт | 29.07.2021 | 10:38
Кириэмили кытта хамсатан...
Үс саха Монреаллааҕы өрөгөйүн үөрүүтүн 45 сылынан уруй-айхал!!!
Айманыылаах Олимпиада
Спорт | 29.07.2021 | 10:00
Айманыылаах Олимпиада
Улахан түһүлгэ түбүктээх. Экономикаҕа охсуулаах дуу, барыстаах буолара дуу биллибэтин үрдүнэн тэрийэри былдьаһан туран ылына сатыыллар. Ол ханныгын да иһин    дойду инфраструктуратын, тутуутун, суолун-ииһин, транспорын  тупсарарга, аатын биллэрэргэ, туризмы, бизнеһы кэҥэтэргэ, сервиһи  сайыннарарга үтүө сабыдыаллаах.  Сатабыллаах  американецтар обургулар атын сирдэргэ олимпиадаларга кытта тендэри кыайан, ордук тв биэриилэри   тус хампаанньалара  монополистаан ...
250 тахса киһи «Туймаада» Аан дойдутааҕы олимпиадаҕа кыттар
Сонуннар | 27.07.2021 | 15:30
250 тахса киһи «Туймаада» Аан дойдутааҕы олимпиадаҕа кыттар
Аан дойдутааҕы математикаҕа, физикаҕа уонна информатикаҕа 28-с «Туймаада» олимпиадаҕа 255 киһи кытынна. Ол туһунан регионнааҕы наука Аччыгый академиятын пресс-сулууспата иһитиннэрэр.  Олимпиада от ыйын 24 күнүттэн атырдьах ыйын 3 күнүгэр диэри онлайн көрүҥүнэн ыытыллар. Кыттааччылар – Арассыыйа, Казахстан, Румыния, Иран, Сингапур, Болгария, Индонезия уонна РФ алта регионун бэрэстэбиитэллэрэ.   Бу тэрээһин...
Сэттэ сыллааҕы уот түгэннэриттэн
Дьон | 29.07.2021 | 10:35
Сэттэ сыллааҕы уот түгэннэриттэн
Василий Григорьевич Иванов.  Сааһа—алта уон түөрдэ. Сахаҕа орто уҥуохтаах, толуу көрүҥнээх. Дьэ, үлэни - хамнаһы кыайыах сирэйдээх-харахтаах, туттууллаах-хаптыылаах. Көрөн-истэн, саҥаран-иҥэрэн уолан-хаан. Төрөөбүт дойдутугар сорук туруорунан сайыннарар, тупсарар баҕалаах 2012 сылга Ньурба Чуукаарыгар нэһилиэк баһылыгын быыбарыгар туран, кыайан ситиһиилээхтик үлэлээбитэ. Сырыыны да кыайар, киириилээх-тахсыылаах. Дьокуускайга биирдэ билсиэхпиттэн элбэҕи сэһэргэспитим. Онтон биирин...