21.05.2021 | 15:43

Ырыа куттаах Луҥха Өлөксөй

Ырыа куттаах Луҥха Өлөксөй
Ааптар: Айыына ДОНСКАЯ
Бөлөххө киир

СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһигэр олоҕуран, бүгүн, ыам ыйын 21 күнүгэр, СӨ мелодистарын Ассоциацията тэриллибитэ 30 сылынан Ырыа күнэ онлайн көрүҥүнэн ыытыллар.
Саха сиригэр аан бастакынан ырыа күнүн ыытарга этии киллэрбит, көҕүлээбит киһинэн  мелодист-композитор, СӨ култууратын үтүөлээх үлэһитэ, Кэбээйи улууһун бочуоттаах гражданина, «Дьүһүй», «Сайдыы» кулууптар салайааччыта Алексей Кириллович Калининскай-Луҥха Өлөксөй буолар. 
Алексей Калининскай уоттаах сэрии кэнниттэн ыраах Кэбээйи улууһугар төрөөн-үөскээн, киһи-хара буолан, бастаан  Дьокуускайдааҕы музыкальнай училищены, онтон Улан-Удэ куоракка култуура институтун бүтэрбитэ. 


Луҥха Өлөксөй норуокка биллэр, уостан түспэт ырыалардаах. Кини айымньыларын араас кэмҥэ биллиилээх ырыаһыттар Нина Чигирева, Айталина Адамова, Марина Силина, Анна Дьячковская, Борис Алексеев, Прокопий Неустроев, Владимир Заболоцкий, Раиса Захарова, Сахая толорбуттара. 
Идэтийбит ырыаһыттары сэргэ, Луҥха Өлөксөй ырыаларын уус-уран самодеятельность кыттыылаахтара ыллыыллар. Олортон биир чаҕылхайдарынан бас-баритон Николай Спиридонов буолар. Эр дьон хора (уус-уран салайааччы В. Жирков) «Патриотическай тиэмэҕэ сюита»  дьон биһирэбилин ылыан ылбыта. Ону сэргэ Кэбээйи улууһун «Сата» эр дьон вокальнай секстетэ Луҥха ырыаларын иэйиилээхтик толорор. 
Талааннаах мелодист үлэтин өссө биир ситиһиитинэн Христофор Горохов-Элгэстэй уонна Владимир Жирков тылларыгар муусука суруйан, Дьокуускай куорат гимнин айбыта буолар.  
Бүгүҥҥү Ырыа күнүгэр  видеонан кэнсиэргэ Алексей Калининскай муусукатыгар «Ырыа күнэ», «Саргыбыт сайыннын» уо.д.а. ырыалара ылланыахтара. 
Ырыа күнүнэн эҕэрдэлээн туран, Луҥха Өлөксөйгө өссө да кэрэ, алыптаах муусуканы айан, дьонун-сэргэтин үөрэ турарыгар баҕарабыт. 

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.