12.05.2021 | 21:55

Ырыа күнэ киэҥ далааһыннаахтык бэлиэтэниэҕэ

Ырыа күнэ киэҥ далааһыннаахтык бэлиэтэниэҕэ
Ааптар: Киин Куорат

Бүгүн, ыам ыйын 12 күнүгэр, СӨ Мелодистарын ассоциацията тэриллибитэ 30 сылынан Ырыа күнүн ыытыы туһунан СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһэ таҕыста. 
Онно олоҕуран, 2021 сыл ыам ыйын 21 күнүгэр СӨ Мелодистарын ассоциацията тэриллибитэ 30 сылынан Ырыа күнэ онлайн көрүҥүнэн ыытыллыаҕа. Бу күнү үрдүк таһымҥа ыытар сыалтан оробуочай бөлөх тэриллэр.  Онно СӨ култуураҕа уонна духуобунай сайдыыга миниистирин бастакы солбуйааччы В.В. Левочкин (салайааччы), СӨ култуураҕа уонна духуобунай сайдыыга министиэристибэтин кылаабынай специалиһа Е.В. Ефимов (координатор), «Өрөспүүбүлүкэтээҕи норуот айымньытын дьиэтин уонна  социальнай-культурнай технологиялар» автономнай тэрилтэ дириэктэрэ С.С. Семенов (тэрийээччи) уо.д.а. бааллар. 


Тэрээһин чэрчитинэн Саха сирин мелодистарын айымньыларынан улахан видеонан кэнсиэр таҥыллан тахсыахтаах. Онно «Ырыа күнэ» (Х.Горохов тыллара, А.Калининскай-Луҥха муусуката), «Тыыннаахтар умнубат сыллара» (П. Одорусов тыллара, Н. Бойлохов муусуката), «Төрөөбут дойду туһунан ырыа»(А. Тимофеев тыллара, М. Жирков муусуката), «Саргыбыт сайыннын» (К. Уткин тыллара, А. Калининскай-Луҥха муусуката) уо.д.а. уостан түспэт, дьон-норуот сүрэҕэр иҥэн сылдьар айымньылар баар буолуохтара. 
Маны сэргэ СӨ Мелодистарын ассоциацията тэриллибитэ 30 сылынан тэриллэр Ырыа күнүн чэрчитинэн А. Калининскай-Луҥха «Саҥа күн» биэриигэ кыттара, СӨ култуураҕа уонна духуобунай сайдыыга министиэристибэтин инстаграм сирэйигэр Ырыа күнүнэн өрөспүүбүлүкэ салалтата, муниципальнай тэриллиилэр, Саха сирин уопсастыбаннаһын эҕэрдэлэрэ тахсара былааннанар. Итини таһынан СӨ култуураҕа уонна духуобунай сайдыыга министиэристибэтин ютуб ханаалыгар Эстрада театрын, Опера уонна балет театрын,  Судаарыстыбаннай филармония,  «Туймаада» ансаамбыл бырааһынньыктааҕы бырагыраамалара тахсыаҕа.  
«Саха» НКИХ ханаалыгар искусство маастардарын уонна өрөспүүбүлүкэ самодеятельнай кэлэктииптэрин кэнсиэртэрэ көстүөҕэ.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.