03.06.2022 | 18:00

«Үйэ оҕолоро» хапытаалы туохха туттары 206 дьиэ кэргэн чопчулаата

«Үйэ оҕолоро» хапытаалы туохха туттары 206 дьиэ кэргэн чопчулаата
Ааптар: Киин Куорат
Бөлөххө киир

Саха сиригэр «Үйэ оҕолоро» хапытаалы туттуу олорор дьиэ усулуобуйатын тупсарыыга уонна тырааныспары атыылаһыыга туһуланар диэн иһитиннэрэр Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата.   
2022 сыл ыам ыйын 31 күнүнээҕи туругунан 20 мөл 077 тыһыынча солкуобайдаах тус сыаллаах хапытаалы ылбыт 206 дьиэ кэргэн туохха тутталларын чопчу быһаардылар. Ол курдук, 148 дьиэ кэргэн 14 357 330,65 солкуобайдаах сириэстибэлэрин олорор дьиэ усулуобуйатын тупсарыыга, 55 дьиэ кэргэн 5 420 000 солкуобайы тырааныспары атыылаһыыга, икки ыал 200 000 солкуобайы кэтэх хаһаайыстыбаны сайыннарыыга ыыттылар, биир ыал 100 000 солкуобайы оҕо аатыгар кредитнэй тэрилтэҕэ уурдулар.  
2022 сыл ыам ыйын 31 күнүнээҕи туругунан 100 тыһыынча солкуобайдаах «Үйэ оҕолоро» тус сыаллаах хапытаалы биэрэр быраап туһунан 2 978 быһаарыы ылынылынна.
Санатар буоллахха, Ил Дархан Айсен Николаев сорудаҕынан тус сыаллаах хапытаал докуомуну оҥоруута уонна ылыыта судургутуллан, сириэстибэ туттуллар хайысхата кэҥэтиллэн турар.  
100 тыһыынча солкуобайдаах «Үйэ оҕолоро» тус сыаллаах хапытаал 2022 сыл тохсунньу 1 күнүттэн ахсынньы 31 күнүгэр диэри болдьоххо төрөөбүт (иитийэх) оҕолорго бэриллэр. Төрөппүттэр РФ гражданнара, Саха сиригэр регистрациялаах, илиилэригэр ЗАГС уорганнарыттан оҕо төрөөбүтүн туһунан туоһу суруктаах буолуохтаахтар. 
Тус сыаллаах хапытаал сириэстибэтэ олорор дьиэ усулуобуйатын тупсарыыга, тырааныспары атыылаһыыга уонна Арассыыйа Федерациятыгар дьиэ кэргэнинэн сынньанарга туттуллар. Итиэннэ оҕо аатыгар кредитнэй тэрилтэлэргэ харчы ууруохха, оҕо үөрэнэригэр, үрдүк технологиялаах медицинскэй көмөнү ыларыгар, медицинскэй уонна социальнай реабилитацияны уонна санитарнай-курортнай эмтэниини ааһарыгар, оҕону кытта айанныыр бырайыаһы төлүүргэ, эмп атыылаһарга,  кэтэх хаһаайыстыбаны сайыннарыыга, ол иһигэр тыа хаһаайыстыбатын тиэхиньикэтин атыылаһарга уо.д.а. сыалга туттуохха сөп.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...