Өйдүүбүт. Киэн туттабыт. Махтанабыт

Бүгүн өрөспүүбүлүкэбит киин куоратыгар үөрүүлээх быһыыга- майгыга саха снайперын пааматынньыгар уонна «Туймаада саллаата» мемориальнай комплекска тыыннаах сибэкки дьөрбөлөрө уурулунна диэн СӨ Баһылыгын уонна Бырабыыталыстыбатын пресс-сулууспата кэпсиир. 

«Туймаада саллаата» мемориальнай комплекска Аҕа дойду Улуу сэриитин 20 тыһыынча буойунун аата үйэтитиллэн турар. Былырыын ыам ыйын 7 күнүгэр манна саха снайпердарыгар анаммыт пааматынньык туруоруллубута. 
Бүгүн манна СӨ Бырабыыталыстыбатын чилиэннэрэ, куорат дьаһалтатын бэрэстэбиитэллэрэ, байыаннайдар уонна уопсастыбанньыктар сэрии уонна тыыл дьоруойдарын, сэрии хонуутугар олохторун толук уурбут уонна сураҕа суох сүппүт буойуннары уу чуумпунан кэриэстээтилэр уонна тыыннаах сибэкки дьөрбөлөрүн уурдулар. 
Тэрээһин бары санитарнай-эпидемиологическай харыстаныыны тутуһан ыытылынна диэн бэлиэтэнэр.